A Lei 12/1992, do 9 de novembro, pola que se crean determinadas escalas de persoal funcionario ó servicio da Xunta de Galicia, modificada pola Lei 2/1993, do 15 de abril, faculta a Xunta de Galicia para que, por decreto, efectúe a integración nas escalas e especialidades creadas pola propia lei.

A devandita lei, no seu artigo 3.4º, crea a escala de profesores de capacitación agraria, e na súa disposición adicional terceira, establece que se integrarán na escala os/as funcionarios/as que reúnan os requisitos que o dito precepto determina.

Na súa virtude, visto o informe da Consellería de Agricultura, Gandería e Montes, oída a comisión de persoal, por proposta do conselleiro da Presidencia e Administración Pública, logo de deliberación do Consello da Xunta de Galicia na súa reunión do dezasete de abril de mil novecentos noventa e seis,

DISPOÑO:

Artigo 1º

Quedan integrados na escala de profesores de capacitación agraria, dentro do corpo facultativo superior de Administración da Xunta de Galicia, os axentes de extensión agraria-profesores que, posuíndo a titulación superior correspondente ou equivalente para os efectos da docencia, prestasen servicios como profesores en virtude de nomeamento para desempeña-las funcións docentes propias da súa condición antes da entrada en vigor da Lei 4/1988, do 26 de maio, da función pública de Galicia.

Artigo 2º

Os funcionarios que, por reuni-los requisitos relacionados no artigo anterior, quedan integrados na escala de profesores de capacitación agraria da Xunta de Galicia, son os que se relacionan no anexo deste decreto.

Disposición derradeira

O presente decreto entrará en vigor o día seguinte ó da súa publicación no Diario Oficial de Galicia.

Santiago de Compostela, dezasete de abril de mil novecentos noventa e seis.

Manuel Fraga Iribarne

Presidente

Dositeo Rodríguez Rodríguez

Conselleiro da Presidencia e Administración Pública

ANEXO

Relación de funcionarios procedentes da escala de axentes do Servicio de Extensión Agraria (integrada no corpo facultativo de grado medio da Xunta de Galicia) que, de conformidade coa disposición adicional terceira da Lei 12/1992, se integran na escala de profesores de capacitación agraria.

2939