En virtude do acordado en resolución do día da data, dictada no procedemento abreviado número 82/1995, dirixo a presente cédula co fin de que se proceda á súa inserción e publicación no Diario Oficial de Galicia, da sentencia que ten o encabezamento e resolución que copiado literalmente di como segue: no procedemento abreviado número 82/1995, dimanante do procedemento abreviado número 133/90, instruído polo Xulgado de Instrucción número un de Noia, polos delictos de roubo, utilización ilexítima de vehículo de motor alleo e furto, contra os acusados: José Manuel Álvarez Jiménez, nacido o 12 de febreiro de 1973, fillo de José e Antonia, natural de Santiago de Compostela e veciño da Coruña, con domicilio na r/ Vioño, nº 53, 1, esquerda ; Javier Fernández Rey, nacido o 12 de febreiro de 1973, fillo de José e María, natural e veciño da Coruña, con domicilio na r/ Cantera 10-baixo; Manuel Vilas Paz, nacido o 25 de maio de 1970, fillo de Avelino e Elsa, natural de Pontevedra e veciño da
Coruña, que ten como último domicilio coñecido a r/ Montes, nº 27, baixo; Juan José Martínez González, nacido o 27 de abril de 1965, fillo de Juan e Elena, natural e veciño da Coruña, con domicilio na r/ Comercio, número 14-1, dereita; os tres primeiros sen antecedentes penais e con antecedentes penais o cuarto, a solvencia do cal non consta e en liberdade provisional por esta
causa, defendidos polos letrados Quintana Sierra, para o primeiro; Rabuñal Mosquera, para o segundo; Corujo Martínez, para o terceiro e Ramil Martínez, para o cuarto e representados polos procuradores Merelles Pérez, para o primeiro; Riero Noya, para o segundo; Fernández Rial e López, para o terceiro e Esperanza Álvarez, para o cuarto, sendo parte o Ministerio Fiscal. Resolvo que debo condenar e condeno os acusados José Manuel Álvarez Jiménez e Javier Fernández Rey, como autores dun delicto de utilización ilexítima de vehículo de motor alleo, concorrendo en ambos a circunstancia atenuante de idade xuvenil, á pena dun mes e un día de arresto maior a cada un, con suspensión de todo cargo público e dereito de sufraxio a cada un; e, como autores dun delicto de furto, á pena de cen mil pesetas de multa a cada un, con arresto substitutorio de 16 días en caso de non pagamento a cada un, e ó pagamento por cada un dunha cuarta parte das custas.
Igualmente, debo condenar e condeno os acusados Manuel Vilas Paz e Juan José Martínez González, sen a concorrencia de circunstancias modificativas no primeiro, e concorrendo no segundo a circunstancia atenuante analóxica de arrepentimento espontáneo e a agravante de reincidencia, como autores dun delicto de utilización ilexítima de vehículo de motor alleo, á pena de seis meses e un día de prisión menor a cada un, con suspensión de todo cargo público e dereito de sufraxio a cada un, e como autores dun delicto de roubo á pena de seis meses e un día de prisión menor a cada un, con suspensión de todo cargo público e dereito de sufraxio a cada un, e, como autores dun delicto de furto, á pena dun mes e un día de arresto maior a cada un, con suspensión de todo cargo público a cada un, e ó pagamento dunha cuarta parte das custas por cada un.
Os acusados indemnizarán, solidariamente, a Juan Martínez Blanco en 5.000 pesetas polos desperfectos no seu local e a José Ventura Martínez en 11.987 pesetas polos danos causados no seu vehículo.
Notifíqueselle-la presente resolución ás partes, prevíndoas de que contra el poderán interpoñer, perante este xulgado, recurso de apelación no prazo de dez días. Unha vez firme participaráselle ó Rexistro Central de Penados e Rebeldes para os efectos oportunos.
Así por esta miña sentencia da que se lles unirá certificación ás actuacións orixinais para a súa notificación e cumprimento, definitivamente xulgando, pronúncioo, mándoo e asínoo.
E para que lle sirva de notificación ó condenado Manuel Vilas Paz, expido e asino a presente cédula en Santiago de Compostela o dezaoito de marzo de mil novecentos noventa e seis.
O secretario
Rubricado
9603005