No anexo III da Resolución do 31 de xaneiro de 1996 (DOG nº 35, do 19 de febreiro), nomeouse o tribunal cualificador para o ingreso na categoría de traballador social de persoal estatutario do Servicio Galego de Saúde convocado por Resolución do 19 de xuño de 1995.

O apartado 6 da base quinta da convocatoria dispón que a autoridade convocante ordenará a publicación no Diario Oficial de Galicia da resolución pola que se nomean os novos membros do tribunal que teñan que substituí-los que perdesen a súa condición por algunha das causas previstas no apartado 5 da mesma base así como os substitutos daqueles, producíndose deste xeito unha nova composición deles.

Por isto,

DISPOÑO:

Primeiro.-Modifica-lo anexo III da Resolución do 31 de xaneiro de 1996 pola que se nomea o tribunal cualificador do concurso-oposición para o ingreso na categoría de traballador social de persoal estatutario do Sergas convocado por Resolución do 19 de xuño de 1995, nomeándose presidente suplente a Javier Bouzada Romero, funcionario do corpo superior da Xunta de Galicia, subdirector xeral de Xestión e Ordenación de Recursos Humanos da Dirección Xeral de Recursos Humanos do Sergas.

Segundo.-A presente resolución producirá efectos a partir do mesmo día da súa publicación no Diario Oficial de Galicia.

Santiago de Compostela, 25 de marzo de 1996.

P.D. (Acordo 21-3-1996)

Alberto Núñez Feijoo

Secretario xeral do Servicio Galego de Saúde

2656