En virtude das facultades conferidas na vixente normativa de contratación, anúnciase a licitación dun contrato de asistencia polo procedemento de concurso público aberto e con tramitación de urxencia, suxeito ás seguintes bases:

Obxecto do contrato: contratación dunha asistencia consistente nos traballos de gravación dos cuestionarios do padrón municipal de habitantes e o da estatística de poboación de Galicia.

Orzamento: 100.000.000 de ptas. IVE incluído.

Entidade contratante: Instituto Galego de Estatística.

Procedemento e forma de adxudicación: concurso público aberto e con tramitación de urxencia.

Prazo de execución: desde a data da sinatura do contrato ata o día 15 de novembro de 1996.

Documentación de interese para os licitadores: poderán retirala no Negociado do Rexistro do IGE, r/ Ramón Piñeiro, nº 27, Santiago de Compostela.

Presentación de ofertas: presentaranse segundo o modelo que figura no prego de claúsulas administrativas particulares, no prazo de 13 días contados a partir do seguinte ó da publicación do presente anuncio no DOG, no rexistro do IGE en horario de 9 á 14 h, ou ben na forma prevista no Art. 100 do Regulamento de contratos do Estado.

Apertura de proposicións: o sexto día seguinte hábil ó do remate de presentación de proposicións, ás 12 h nas dependencias do IGE; en caso de cadrar en sábado, a apertura terá lugar o día hábil seguinte.

Clasificación esixida: grupo I, subgrupo 3, categoría C.

Fianza provisional: 2.000.000 de ptas.

Fianza definitiva: 4.000.000 de ptas.

O importe do presente anuncio, será por conta da empresa adxudicataria.

Santiago de Compostela, 28 de marzo de 1996.

José A. Campo Andión

Director do Instituto Galego de Estatística

9601654