A Secretaría Xeral da Consellería de Familia, Muller e Xuventude, e unha vez cumpridos os trá

mites administrativos correspondentes, resolve anuncia-lo concurso que a seguir se cita:

Obxecto: subministración e deseño de 8.000 camisetas, 1.000 pólos e 9.000 gorras para a campaña verán-96.

Orzamento: 5.500.000 ptas., co IVE engadido, (cinco millóns cincocentas mil pesetas).

Garantía provisional: non se esixe.

Garantía definitiva: 220.000 ptas.

Forma de adxudicación: concurso público, procedemento aberto.

Prazo de execución: os bens obxecto do presente concurso público entregaranse no prazo dun mes contado a partir da data da formalización do correspondente contrato.

Solvencia económica e financeira: acreditarase de acordo co establecido no artigo 16 da Lei 13/1995, de contratos das administracións públicas.

Solvencia técnica: acreditarase de acordo co establecido no artigo 18 da Lei 13/1995, de contratos das administracións públicas.

Clasificación esixible: non se esixe.

Criterios de adxudicación: os definidos na cláusula 11 do prego de cláusulas administrativas particulares, que rexe o presente concurso.

Documentos de interese para os licitadores: o prego de cláusulas administrativas particulares, e demais documentación complementaria, estarán a disposición dos interesados para o seu exame, na Dirección Xeral de Xuventude, sita no complexo administrativo de San Caetano, bloque 3-1º andar, Tfno.: (981) 54 48 21, ou no rexistro xeral da Consellería de Familia, Muller e Xuventude, en Santiago de Compostela, tódolos días laborables, agás sábados, das 9 ás 15 horas.

Presentación de proposicións: no rexistro xeral da Consellería de Familia, Muller e Xuventude (San Caetano, s/n, Santiago de Compostela) ou por calquera dos modos previstos no artigo 100 do Regulamento xeral de contratos do Estado, no prazo de vinteseis días naturais contados desde o día seguinte ó da publicación deste anuncio no Diario Oficial de Galicia.

Cando as proposicións se envíen por correo, o licitador deberá xustifica-la data de imposición do envío na oficina de correos e anunciarlle ó órgano de contratación a remisión da oferta mediante fax (981) 54 58 43, ou telegrama no mesmo día, de conformidade co artigo 100 do Regulamento xeral de contratación do Estado.

Documentación que deben presenta-los licitadores: a que se indica na cláusula 9ª do prego de cláusulas administrativas particulares e a indicada no prego de prescricións técnicas.

Apertura de proposicións: a apertura das proposicións admitidas será realizada pola mesa de con

tratación, reunida en acto público, na sala de xuntas da Secretaría Xeral da Consellería de Familia, Muller e Xuventude (Santiago de Compostela), as 11 horas do sétimo día natural contado a partir do seguinte a aquel en que remate o prazo de presentación de ofertas. No caso de que coincida en sábado ou festivo, a apertura das proposicións terá lugar no día hábil seguinte.

Anuncio: o anuncio do presente concurso público será por conta do adxudicatario do contrato.

Santiago de Compostela, 19 de marzo de 1996.

P.D. (Orde 15-12-1993)

Javier Batán Rodríguez

Secretario xeral da Consellería de Familia, Muller e Xuventude

2277