A Secretaría Xeral da Consellería de Agricultura, Gandería e Montes resolveu convoca-la seguinte licitación polo sistema de concurso aberto:
Obxecto: contratación da asistencia técnica consistente na realización dunha enquisa intermedia de efectivos de gando porcino en maio, agosto e decembro de 1996, de acordo cos proxectos e pregos aprobados para a mesma.
Orzamento de licitación: catro millóns trescentas setenta e cinco mil trescentas pesetas (4.375.300 ptas.).
Clasificación: non é necesaria.
Fiabza provisional: exenta.
Fianza definitiva: cento setenta e cinco mil doce pesetas (175.012 ptas.).
Prazo de execución: o período de execución da enquisa de efectivos queda fixado nos meses de maio, agosto e decembro.
Exposición do proxecto e pregos: o proxecto, así como o prego de claúsulas administrativas particulares, estarán á disposición dos licitadores para o seu exame durante o prazo de presentación de proposicións, os días e horas hábiles de oficina, no Servicio de Estudios e Publicacións da Secretaría Xeral da Consellería de Agricultura, Gandería e Montes (San Lázaro, s/n, Santiago de Compostela).
Modelo de proposición: a proposición económica formularase estrictamente conforme o modelo que figura no prego de claúsulas administrativas particulares.
Presentación e apertura de proposicións: as proposicións serán entregadas no rexistro xeral da Consellería de Agricultura, Gandería e Montes ou en calquera das vías admitidas polo artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común, antes das 14 horas do día 23 de abril de 1996.
A apertura de proposicións terá lugar o día 29 de abril de 1996, ás 13 horas, nas oficinas da Secretaría Xeral da Consellería de Agricultura, Gandería e Montes (San Caetano, Santiago de Compostela).
Gastos de publicación: serán por conta dos adxudicatarios.
Santiago de Compostela, 19 de marzo de 1996.
P.D.
(Orde 13-12-1993, DOG nº 239, 14-12-1993)
Antonio L. Rosón Pérez
Secretario xeral da Consellería de Agricultura, Gandería e Montes
1740