Mediante acordo do Consello de Ministros do 9 de xuño de 1995, acordouse a cesión gratuíta do uso en favor da Comunidade Autónoma de Galicia dunha superficie aproximada de 771 m, situada no edificio onde se atopa o ambultario de Monforte de Lemos, rúa Doutor Casares 21, de Monforte de Lemos (Lugo) con destino á situación dos servicios do dito ambulatorio dependente do Servicio Galego de Saúde.

Conforme o sinalado nos artigos 17.1º da Lei 3/1985, do 12 de abril, e 34.1º e 38 do seu regulamento, por proposta da Consellería de Economía e Facenda, nos termos fixados no antedito acordo do Consello de Ministros, logo de deliberación do Consello da Xunta de Galicia na súa reunión do día catorce de marzo de mil novecentos noventa e seis,

DISPOÑO:

Artigo 1º

Acéptase a cesión gratuíta do uso dunha superficie aproximada de 771 m situada no edificio onde se atopa o ambulatorio de Monforte de Lemos, rúa Doutor Casares 21, de Monforte de Lemos (Lugo) propiedade da Tesourería Xeral da Seguridade Social.

Artigo 2º

O inmoble cedido en uso destinarase a servicios do ambulatorio dependente do Servicio Galaego de Saúde, organismo ó que se adscribe o dereito de uso aceptado.

Artigo 3º

A Consellería de Economía e Facenda, a través da Secretaría Xeral e do Patrimonio, procederá á formalización da aceptación no correspondente documento público, e se é o caso, a inscrición a nome da Comunidade Autónoma de Galicia do dereito en cuestión no rexistro da propiedade correspondente.

Artigo 4º

Conforme os artigos 78 e 79 da Lei 3/1985 e 150 do seu regulamento, o dereito que se vai adquirir incorporarase ó Inventario Xeral de Benes e Dereitos da Comunidade Autónoma.

Disposición derradeira

A Consellería de Economía e Facenda, a través da Secretaría Xeral e do Patrimonio, levará a cabo tódolos trámites necesarios para a efectividade do presente decreto.

Santiago de Compostela, catorce de marzo de mil novecentos noventa e seis.

Manuel Fraga Iribarne

Presidente

José Antonio Orza Fernández

Conselleiro de Economía e Facenda

1679