Vistos os estatutos da Federación Galega de Pesca e Casting e a acta de aprobación da súa asemblea xeral extraordinaria de 5-11-1995.

Visto o informe da sección de Rexistro de Clubs e Asuntos Xurídicos, a Orde do 28 de xullo de 1995 de desenvolvemento do Decreto 228/1994, do 14 de xullo, regulador das federacións deportivas galegas, a Lei 10/1990, xeral do deporte e demais normativa aplicable,

RESOLVO:

Ratificar con efecto desde a aprobación da súa asemblea os estatutos aprobados de conformidade co artigo 8 da Orde do 28 de xullo de 1995 e autoriza-la publicación dos estatutos do Diario Oficial de Galicia.

Santiago de Compostela, 2 de febreiro de 1996.

Eduardo Lamas Sánchez

Secretario xeral para o Deporte

Estatutos da Federación Galega de Pesca e Casting

TÍTULO I

Disposicións xerais

Capítulo I

Denominación, natureza xurídica, obxecto social e domicilio

Artigo 1º

A Federación Galega de Pesca e Casting é unha entidade privada, con personalidade xurídica propia, sen ánimo de lucro, o seu ámbito de territorialidade comprende a Comunidade Autónoma de Galicia no desenvolvemento das competencias que lle son propias, estando integrada polas entidades deportivas, deportistas, técnicos, adestradores, xuíces e árbitros e outros colectivos dedicados á práctica do deporte que constitue o seu obxecto social

A Federación Galega de Pesca e Casting, ademais das competencias que lle son propias, exerce por delegación funcións públicas de carácter administrativo actuando como axente colaborador da Administración pública.

Artigo 2º

A Federacion Galega de Pesca e Casting organízase orgánica e funcionalmente de forma democrática e representativa, con personalidade xurídica e patrimonio propio e independente do dos seus asociados, e plena capacidade de obrar, coas limitacións sinaladas pola lei e disposicións vixentes, e pode adquirir, para os seus propios fins bens de todas clases, mobles e inmobles, contratar e obrigarse para o cumprimento das súas finalidades e está suxeita ás suas propias responsabilidades.

A Federación Galega de Pesca e Casting encóntrase integrada na Federación Española da mesma especialidade, ostentando de maneira exclusiva a representación desta dentro da Comunidade Autónoma de Galicia no referente ó deporte que contitúe o seu obxecto social, conservando en tal integración a súa personalidade xurídica, o seu patrimonio propio e diferenciado, o seu orzamento e o seu réxime xurídico particular.

Artigo 3º

A Federación Galega de Pesca e Casting ten como obxecto social promocionar, dirixir e ordenar exclusivamente dentro de Galicia, sen prexuízo das competencias concorrentes das distintas administracións públicas, as actividades propias da súa modalidade deportiva, en coordinación cos organismos correspondentes da Xunta de Galicia, e rexerase por estes estatutos e os seus regulamentos, polos da Federación Española da mesma especialidade, no que lle sexan aplicables, e polas disposicións que dicte a Xunta de Galicia e, supletoriamente, a Administración do Estado.

A Federación Galega de Pesca e Casting é a única entidade competente dentro da Comunidade Autónoma de Galicia para promocionar, regulamentar, organizar, xestionar e controla-las competicións oficiais do deporte da pesca nas augas continentais e no mar nas súas diversas especialidades de sálmonidos, ciprínidos, mar-costa, embarcación-fondeada e casting, en tódalas modalidades, así como na defensa e protección do medio ambiente e as augas, leitos, flora e fauna dos ríos.

Artigo 4º

A Federación Galega de Pesca e Casting, dentro da súa actividade na Comunidade Autónoma de Galicia, ademais das súas funcións propias de promoción, goberno, administración, xestión e organización do que constitúe o seu obxecto social exercerá, baixo a coordinación e tutela da Secretaría Xeral para o Deporte da Xunta de Galicia, as seguintes funcións públicas de carácter administrativo:

a) A promoción e divulgación do deporte que constitúe o seu fin en tódalas súas facetas.

b) Encauzar ós deportistas á práctica do deporte propio deste federación mediante os oportunos cursos de iniciación, formación e perfeccionamento.

c) Respaldar técnica e administrativamente a práctica do deporte orixinario desta actividade, velando ante os organismos competentes polo apoio a esta modalidade deportiva dentro de Galicia.

d) Calificar e organiza-las actividades e competicións deportivas oficiais de ámbito autonómico galego.

e) Exerce-la potestade disciplinaria sobre os integrantes da federación nos termos previstos pola Lei.

f) Exerce-lo control das subvencións que asignen ás asociacións e entidades deportivas nas condicións que fixe a Secretaría Xeral para o Deporte.

g) Executar, se é o caso, as resolucións do Comité Galego de Disciplina Deportiva.

h) Calquera outra que lle sexa atribuída pola lexislación vixente ou que acorde no ámbito da súa competencia a asemblea xeral.

Os actos realizados pola Federación Galega de Pesca e Casting no exercicio das funcións públicas de carácter administrativo son susceptibles de recurso ante o conselleiro da Presidencia e Administración Pública, as súas resolucións esgotan a vía administrativa.

Artigo 5º

O domicilio social da Federación Galega de Pesca e Casting establécese na localidade da Coruña, na rúa Rego de Agua, 9-11 1º.

A comisión delegada, por maioría dos seus membros e cando as circunstancias o aconsellen, poderá acorda-lo cambio do domicilio social dentro da mesma localidade. Para o traslado do domicilio a outra localidade, que deberá ser sempre dentro do territorio da Comunidade Autónoma galega, será necesario o acordo maioritario da asemblea xeral, en ambos casos, o traslado do domicilio social deberá ser notificado ós afiliados e a Secretaría Xeral para o Deporte.

Por acordo da asemblea xeral, e para efectos puramente de organización interna, poderanse establecer delegacións da Federación Galega de Pesca e Casting nas localidades de Galicia que decida a citada asemblea.

Capítulo II

Requisitos para ser membro da Federación Galega de Pesca e Casting.

Dereitos e deberes

Artigo 6º

As entidades deportivas poderán integrarse, a petición propia, na Federación Galega de Pesca e Casting sempre que teñan o seu domicilio social e desempeñen a súa actividade en Galicia e se encontren constituídos conforme os requisitos esixidos para cada modalidade pola lexislación vixente e inscritos no Rexistro de Clubs, Federacións e Asociacións Deportivas da Xunta de Galicia, debendo comprometerse a cumpri-los estatutos e regulamentos da Federación Galega de Pesca e Casting e someterse á autoridade dos órganos federativos, en relación coas materias da súa competencia.

Os mesmos criterios e requisitos, no que sexa de aplicación, rexerán para a integración na Federación Galega de Pesca e Casting dos deportistas, técnicos, adestradores, xuices e árbitros e outros colectivos interesados se os houbera.

Artigo 7º

A integración na Federación Galega de Pesca e Casting implicará a integración automática e para tódolos efectos na federación Española da mesma especialidade deportiva.

Artigo 8º

A integración na Federación Galega de Pesca e Casting producirase mediante a expedición por parte desta da correspondente licencia federativa ou documento de afiliación ou inscrición. A dita expedición será acordada pola xunta directiva da federación galega. Contra a denegación, que deberá ser motivada, caberá recurso ante a asemblea xeral.

En todo caso, para a participación en actividades ou competicións deportivas oficiais de ámbito autonómico será preciso estar en posesión da licencia ou documento de afiliación expedido pola Federación Galega de Pesca e Casting.

Artigo 9º

Tódolos membros da Federación Galega de Pesca e Casting teñen dereito a recibi-la tutela da mesma con respecto ós seus intereses deportivos comúns e individuais, así como o de participar nas súas actividades e no funcionamento dos seus órganos, de acordo cos presentes estatutos e cos regulamentos internos daquela. Os membros da Federación Galega de Pesca e Casting teñen, á súa vez o deber de acata-los acordos dos seus órganos, sen que isto obste ó seu dereito de recorrer, ante as instancias federativas competentes e, se é o caso, ante os tribunais de xustiza ou Secretaría Xeral para o Deporte, segundo proceda, aqueles que consideren contrarios a dereito, e sen prexuízo de acudir á conciliación extraxudicial ou arbitraxe nos termos previstos nas leis.

Capítulo III

Estructura territorial

Artigo 10º

A Federación Galega de Pesca e Casting estructurase territorialmente en delegacións.

Cada delegación quedará integrada polas entidades deportivas, deportistas, adestradores e xuíces/árbitros e outros colectivos, que correspondan ó ámbito territorial fixado pola asemblea xeral para cada delegación.

Artigo 11º

As delegacións axustarán súa actividade ás normas dictadas pola Federación Galega de Pesca e Casting a través dos órganos que correspondan e, directamente, do seu presidente.

Artigo 12º

Os titulares das delegacións serán nomeados e cesados polo presidente da Federación Galega de Pesca e Casting, de acordo co artigo 32º dos presentes estatutos.

A composición do equipo directivo da delegación e a competencia do mesmo, será de libre facultade do titular da delegación, o cal dará conta ó presidente da Federación Galega de Pesca e Casting.

TÍTULO II

Dos órganos de goberno e representación

Capítulo I

Normas xerais

Artigo 13º

Son órganos de goberno e representación da Federación Galega de Pesca e Casting a asemblea xeral e o presidente.

No seo da asemblea xeral deberá constituírse unha comisión delegada de asistencia a aquela.

Artigo 14º

1. Serán órganos electivos da Federación Galega de Pesca e Casting o presidente, a asemblea xeral e a comisión delegada no ámbito das súas respectivas competencias.

Os membros dos demais órganos e comités serán designados e revogados libremente polo presidente coas excepcións previstas nos presentes estatutos.

2. O nomeamento ou a renovación dos membros dos órganos de goberno e representación, dos órganos complementarios, e dos comités que puideran crearse dentro da Federación Galega de Pesca e Casting, deberán ser comunicados a tódolos membros da asemblea xeral e a Secretaría Xeral para o Deporte nun prazo máximo de 15 días a partir da data do nomeamento.

3. Os órganos de goberno e representación reuniranse na forma e termos establecidos nestes estatutos; os seus acordos, salvo disposición expresa que dispoña o contrario adoptaranse por maioría simple; en caso de empate o presidente terá voto de calidade. Os acordos poderán ser impugnados de conformidade co disposto na lexislación aplicable e nos presentes estatutos.

4. A responsabilidade dos membros dos órganos da Federación Galega de Pesca e Casting no exercicio das súas funcións será esixida no ámbito disciplinario de conformidade co disposto no Real decreto 1591/1992, do 23 de decembro e nos ámbitos civil e penal de acordo coa lexislación xeral de aplicación.

5. Son requisitos xerais para ser membro de calquera órgano da Federación Galega de Pesca e Casting, sen prexuízo do establecido regulamentariamente, os seguintes:

a) Te-la condición de ciudadano de Galicia, segundo o disposto no artigo 3 da Lei orgánica, do 1/1981, de 6 de abril, do Estatuto de autonomía de Galicia.

b) Ser maior de idade e estar en pleno uso dos dereitos civís.

c) Non estar suxeito á corrección disciplinaria de carácter deportivo que o inhabilite.

d) Non ter sido condenado mediante sentencia penal firme que leve anexa pena principal ou accesoria de inhabilitación absoluta ou especial para cargo público.

e) Non estar incurso en ningunha causa de incompatibilidade establecida legalmente ou nos presentes estatutos.

f) Reuni-los requisitos específicos propios de cada estamento deportivo.

Capítulo II

Da asemblea xeral

Sección primeira

Natureza, composición, nomeamento e cesamento

Artigo 15º

A asemblea xeral é o órgano superior de goberno e representación da Federación Galega de Pesca e Casting.

Artigo 16º

A asemblea xeral estará constituida polo presidente da Federación Galega de Pesca e Casting e polos representantes das entidades deportivas, os deportistas, técnicos-adestradores os xuíces-árbitros e outros colectivos se os houbera.

As entidades deportivas non poderán ser membros da asemblea xeral, se no momento da convocatoria de eleccións non figuran inscritos no Rexistro de Clubs, Federacións e Entidades Deportivas da Xunta de Galicia.

Os compoñentes da xunta directiva, por este só carácter poderán asistir ás reunións da asemblea, con dereito a voz pero sen voto.

Artigo 17º

A asemblea xeral está integrada por 60 membros, e a representación dos estamentos sinalados anteriormente respoderá ás seguintes proporcións:

-Entidades deportivas: (entre o 60 e o 75%), correspondendo 42 membros.

-Deportistas: (máximo 20%), correspondendo 12 membros.

-Adestradores/técnicos: (máximo 5%), correspondendo 3 membros.

-Xuíces/árbitros: (máximo 5%), correspondendo 3 membros.

-Outros colectivos se os houbera: (ata un máximo dun 10%), correspondendo ... membros.

Artigo 18º

A convocatoria de eleccións deberá indicar expresamente o número de membros da asemblea xeral e o de cada un dos estamentos.

Artigo 19º

Os membros da asemblea xeral e a comisión delegada cesarán polas seguintes causas:

a) Defunción.

b) Disolución da entidade á que representan.

c) Expiración do mandato para o que foi elixido.

d) Renuncia voluntaria ou dimisión.

e) Estar incurso en causa de inelexibilidade ou incompatibilidade legal ou estatutaria.

f) Sanción disciplinaria imposta en forma regulamentaria que implique o cesamento no cargo que ostenta.

Artigo 20º

As vacantes que se produzan na asemblea xeral antes das seguintes eleccións xerais á mesma serán cubertas, dentro de cada estamento e de maneira sucesiva, polos candidatos que no proceso electoral obtivesen maior número de votos despois dos que resultaron electos e, a falta destes, mediante a realización de eleccións parciais sempre que, neste último caso, as vacantes superen o 20% dos membros da asemblea.

Os elixidos para ocupa-las vacantes ás que se refire o apartado anterior ostentarán o seu mandato polo tempo que falte para a celebración das seguintes eleccións xerais.

Sección segunda

Réxime de funcionamento

1. Competencias

Artigo 21º

A asemblea xeral, en canto órgano máximo de goberno e representación da federación, pode adoptar calquera acordo ou decisión sobre a mesma, con sometemento ás regras de competencia e procedemento. Especialmente son competencias da asemblea xeral as seguintes:

1. A aprobación e modificación dos estatutos da Federación Galega de Pesca e Casting.

2. A elección mediante sufraxio libre, igual, directo e secreto do presidente e da comisión delegada da Federación Galega de Pesca e Casting, así como o cesamento e a moción de censura ó presidente.

3. Aprobación e liquidación do orzamento anual da Federación Galega de Pesca e Casting.

4. Aprobación do programa ou calendario deportivo anual a desenvolver pola Federación Galega de Pesca e Casting e das bases ou regulamentos que rexerán a competición.

5. Aprobación da creación de órganos territoriais da Federación Galega de Pesca e Casting.

6. Aprobación do Regulamento de eleccións á asemblea, presidente e da comisión delegada da Federación Galega de Pesca e Casting.

7. Aprobación do Regulamento sobre conciliación extraxudicial ou arbitraxe.

8. Aprobación do Regulamento de disciplina deportiva.

9. Calquera outra competencia da Federación Galega de Pesca e Casting que non estea expresamente atribuída polos presentes estatutos a outro órgano.

2.Convocatoria

Artigo 22º

A asemblea xeral será convocada polo presidente da Federación Galega de Pesca e Casting con un mínimo de 10 días naturais de antelación á data da súa celebración, no taboleiro de anuncios da Federación Galega de Pesca e Casting, debendo incluír necesariamente os puntos da orde do día a tratar, ademáis da notificación individual a cada un dos membros á dirección que deberá constar na Federación Galega de Pesca e Casting 30 días antes da data da convocatoria; a notificación remitirase por calquera medio que permita ter constancia da recepción cunha antelación mínima de corenta e oito horas. Os defectos formais na convocatoria non darán lugar á nulidade da asemblea sempre e cando os membros dela recibisen a convocatoria coa orde do día no prazo establecido e, en todo caso, a asemblea será válida, sen necesidade de ningún outro requisito, sempre que concorran a totalidade dos membros dela.

A orde do día poderá ser modificada, no sentido de incorporar novos puntos, por petición fundada dunha quinta parte dos membros da asemblea xeral e sempre que esta incorporación se solicite cunha marxe de tempo suficiente para que poida ser notificada a tódolos membros da asemblea xeral mediante a notificación e a publicación no taboleiro de anuncios da Federación Galega de Pesca e Casting cunha antelación mínima de 3 días á data de celebración.

Artigo 23º

O presidente da Federación Galega de Pesca e Casting deberá convocar unha asemblea xeral ordinaria anualmente antes do inicio da nova tempada deportiva para trata-los asuntos propios da xestión ordinaria e, como mínimo, para a aprobación da memoria anual de actividades, a aprobación do novo orzamento e a liquidación do anterior, aprobación do calendario deportivo e das regras que rexerán a competición e o exame e consideración das propostas que formulen os membros da asemblea xeral, da comisión delegada, da xunta directiva e o presidente.

Tódalas demais asembleas terán carácter extraordinario e serán convocadas polo presidente da Federación Galega de Pesca e Casting sempre que o estime oportuno, ou a petición dun número de membros que integran a asemblea non inferior ó 25%. Neste caso, os solicitantes deberán formular unha petición por escrito dirixido ó presidente da Federación Galega de Pesca e Casting, indicando os puntos que compoñerán a orde do día. O presidente, no prazo máximo de 10 días naturais desde a entrada da peticíon no rexistro da Federación Galega de Pesca e Casting deberá convoca-la asemblea xeral con carácter extraordinario, cos requisitos de forma sinalados nestos estatutos, e coa orde do día solicitado, sen incluír ningún outro punto, a celebrar nun prazo non superior a 20 días naturais desde a convocatoria. Caso de negativa expresa do presidente a efectua-la convocatoria, ou pasados 10 días dende que a solicitude fose efectuada sen ser respondida, os solicitantes poderán facer uso dos dereitos que

a lexis

lación vixente establece, ante a Secretaría Xeral para o Deporte para a convocatoria dos órganos colexiados de goberno.

Cando o presidente da Federación aprecie a existencia dunha situación urxente que non permita demora na convocatoria da asemblea extraordinaria, poderá convocala sen suxeción a prazo nin requisito de forma ningunha salvo a citación persoal dos asambleístas que poidan ser localizados nos domicilios que consten na Federación Galega de Pesca e Casting. En todo caso a asemblea requirirá como mínimo a presencia de 2/3 dos seus membros e antes de analizar a orde do día pronunciarase previamente, por maioría de asistentes, sobre a urxencia da convocatoria e a necesidade ou non da súa celebración. En todo caso nunha asemblea convocada desta forma non poderán modificarse os estatutos.

3. Constitución

Artigo 24º

A asemblea xeral quedará validamente constituída en primeira convocatoria, cando a ela concorran a maioría dos seus membros.

En segunda convocatoria será válida sexa cal sexa o número de asistentes. Deberá mediar un mínimo de media hora entre a primeira e a segunda convocatoria.

4. Adopción de acordos

Artigo 25º

Non será admisible en modo ningún para a formación da vontade dos órganos colexiados da Federación Galega de Pesca e Casting nin para o establecemento do seu quórum o voto por correo nin a delegación de voto sendo, por tanto, necesaria a presencia física dos seus membros. Exceptúanse as eleccións dos membros da asemblea xeral, se así se aprobase no Regulamento electoral.

Con carácter excepcional as entidades deportivas poderán ser representadas de conformidade ós seus propios estatutos, pero o representante non poderá ser membro da asemblea xeral.

Ninguén poderá ostentar na asemblea xeral máis dunha delegación de voto.

Artigo 26º

As votacións no seo da asemblea xeral realizaranse na forma e pola orde que a presidencia estableza, sendo esta a que decidirá se serán ordinarias, nominais ou secretas; se polo menos o vintecinco por cento dos asistentes solicita unha modalidade determinada, a forma de votación decidirase por maioría simple dos membros da asemblea xeral .

Artigo 27º

A asemblea xeral será presidida polo presidente da Federación Galega de Pesca e Casting, e o seu voto será de calidade en caso de empate. Os acordos adoptaranse por maioría simple de asistentes.

Para os efectos de cómputo de quorums e maiorías, cando estes se conformen con un número inexacto de asambleístas, computaranse sempre por exceso e con referencia ó número daqueles efectivamente existentes como membros da asemblea, descontadas as vacantes.

Artigo 28º

De tódolos acordos adoptados na asemblea xeral e comisión delegada, levantará acta o secretario delas, especificando o nome das persoas que interviñeron e as demais circunstancias que se consideren oportunas, contido dos acordos adoptados, o resultado da votación e, se é o caso, os votos particulares contrarios ó acordo adoptado.

Os votos contrarios ó acordo adoptado ou as abstencións motivadas eximirán a quen os emita de calquera responsabilidade derivada de tales acordos.

Artigo 29º

Os acordos da asemblea xeral e da comisión delegada serán vinculantes e de obrigatorio cumprimento para a totalidade dos órganos, persoas e entidades que integran a Federación Galega de Pesca e Casting e terán forza executiva a partir da data da súa adopción.

Artigo 30º

A asemblea xeral non poderá adoptar ningún acordo ou realizar ningún acto que poida comprometer de forma irreversible o seu patrimonio ou a actividade que constitúe o obxecto propio da Federación Galega de Pesca e Casting.

En caso de dúbida ou a petición dun 5% dos membros de dereito da asemblea, será requisito imprescindible a emisión dun informe favorable, por parte dos organismos competentes da Xunta de Galicia.

Capítulo III

Da comisión delegada

Natureza, constitución, composición e funcionamento

Artigo 31º

1. No seo da asemblea xeral deberá constituírse unha comisión delegada que terá carácter electivo e será un órgano de goberno e representación da Federación Galega de Pesca e Casting.

2. A comisión delegada será elixida pola asemblea xeral na primeira reunión que esta celebre despois da súa constitución mediante sufraxio entre os membros dela. O seu mandato coincidirá co da asemblea xeral.

3. O número de membros da comisión delegada será o 15% dos membros da asemblea xeral. En ningún caso este número será inferior a 5 nen superior a 15. Se se producise algunha vacante cubriríase co seguinte candidado máis votado.

4. O presidente da federación convocará á comisión delegada que se reunirá como mínimo cada 4 meses para os fins da súa competencia e ó menos para

realiza-lo seguimento da xestión deportiva e económica da Federación Galega de Pesca e Casting.

5. Corresponde a comisión delegada da asemblea xeral:

a) A elaboración dun informe previo á aprobación dos orzamentos.

b) A modificación do calendario deportivo.

c) A modificación dos orzamentos e dos regulamentos.

d) O seguimento da xestión deportiva e económica da Federación Galega de Pesca e Casting.

As modificacións non poderán exceder dos límites e criterios que a propia asemblea xeral estableza.

A proposta sobre os temas que se van tratar na comisión delegada corresponde ó presidente ou a dous tercios dos membros da comisión delegada.

Capítulo IV

Do presidente

Artigo 32º

O presidente da Federación Galega de Pesca e Casting é o órgano de goberno e representación que ostenta a súa representación legal, convoca e preside os órganos de goberno e representación e executa os acordos deles. O presidente poderá nomear delegados nas localidades aprobadas pola asemblea xeral, que actuarán seguindo as instruccións daquel e por delegación nas funcións que se lle encomenden. Os ditos delegados poderán ser cesados ou sustituídos polo presidente segundo o seu criterio.

Artigo 33º

A duración do cargo de presidente será de 4 anos.

No caso de que, excepcionalmente, quede vacante a presidencia antes de que transcorra o prazo para o que foi elixido, considerarase dimisionaria toda a xunta directiva, constituíndose a comisión delegada en comisión xestora, presidida polo membro de maior idade. Convocará á asemblea xeral, e esta acordará unha nova elección do presidente para cubri-la vacante polo tempo que falte ata a terminación do prazo correspondente ó mandato ordinario. Se a vacante se produce por prosperar unha moción de censura, haberá que aterse ó disposto no artigo 36º destes estatutos.

Artigo 34º

O desempeño do cargo de presidente será causa de incompatibilidade coas seguintes actividades:

a) Ocupación de cargos directivos noutras federacións deportivas; exceptúase a Federación Española da mesma modalidade deportiva.

b) Desenvolvemento de actividades ou desempeño de cargos en asociacións deportivas, ou clubs dependentes integrados na Federación Galega de Pesca e Casting.

c) A persoa que resulte elixida como presidente da Federación Galega de Pesca e Casting deberá

cesar en todo tipo de actividades directivas no deporte específico e no ámbito territorial da Federación Galega de Pesca e Casting.

Non existirá incompatibilidade en ningún caso coa práctica activa do deporte.

Artigo 35º

O presidente cesará por:

a) Transcurso do prazo polo que foi elixido.

b) Dimisión.

c) Incapacidade física ou psíquica para continuar no exercicio do seu cargo.

d) Aprobación dunha moción de censura pola asemblea xeral.

e) Por incorrer en causa de inelixibilidade ou incompatibilidade. Neste último caso disporía dun prazo dun mes para cesar no posto que resulte incompatible co de presidente.

Artigo 36º

A moción de censura ó presidente poderá ser presentada polos membros da asemblea xeral que constituan ó menos un 20% da mesma mediante escrito presentado no rexistro da Federación Galega de Pesca e Casting. Na dita petición deberán solicitar do presidente a convocatoria dunha asemblea xeral extraordinaria coa dita moción como único punto da orde do día así como propoñer un candidato alternativo á presidencia. Caso de prospera-la moción de censura, que se votará nun sistema de dobre volta, debendo alcanza-la maioría absoluta de membros que compoñen a asemblea na primeira ou maioría simple de asistentes na segunda, celebradas cunha hora de diferencia, o candidato quedará investido, cun mandato polo prazo que falte para conclui-lo período ordinario.

Para a convocatoria da asemblea xeral extraordinaria a que se refire este artigo, haberá que aterse, estarase ó disposto no artigo 22º destes estatutos. A sesión da asemblea xeral en que se debata a moción de censura estará presidida polo membro de maior idade. Non será válido o voto por correo nin a asistencia por representación.

Se a moción de censura non prosperase, non poderá presentarse unha nova dentro do transcurso de 6 meses período de mandato, como tampouco poderá presentarse, caso de prosperar, contra o candidato investido na dita moción polo tempo que lle falte para concluí-lo período ordinario.

TÍTULO III

Órganos complementarios dos de goberno e representación

Artigo 37º

Son órganos complementarios dos de goberno e representación da Federación,para asistir ó presidente:

a) A xunta directiva.

b) O secretario Xeral.

c) O tesoureiro.

Artigo 38º

1. A xunta directiva é o órgano colexiado de xestión da Federación Galega de Pesca e Casting sendo os seus membros designados e revocados libremente polo presidente.

O número de membros será establecido pola asemblea xeral e non poderá ser inferior a 5 nen superior a 15.

O presidente elixirá entre os membros da súa xunta directiva un vicepresidente, que o será tamén da Federación Galega de Pesca e Casting, quen substituirá ó presidente por delegación, imposibilidade física ou ausencia temporal; un secretario que, á súa vez, o será da Federación Galega de Pesca e Casting, así como o tesoureiro. Tales cargos, en canto baseados na confianza, poderán ser removidos polo presidente cando o considere conveniente.

Os membros da xunta directiva que non o sexan da asemblea xeral, terán acceso ás sesións dela, con dereito a voz pero sen voto.

Tódolos cargos son honoríficos e, no caso de establecerse unha compensación económica a favor dalgún dos seus membros da xunta directiva, deberá ser expresamente acordada pola asemblea xeral e constar dunha maneira diferenciada no orzamento. En ningún caso a compensación económica poderá ser satisfeita con cargo ás subvencións públicas que reciba a Federación Galega de Pesca e Casting.

2. O presidente da Federación Galega de Pesca e Casting nomeará a un secretario , o cal exercerá as funcións de fedatario e asesor, e máis especificamente:

a) Levantar actas das sesións dos órganos de goberno e representación da federación, con indicación dos asistentes, temas tratados, o resultado das votación e, se é o caso, os votos particulares contrarios ó acordo adoptado.

b) Expedi-las certificacións oportunas das actas dos órganos de goberno e representación.

c) Remitir á Secretaría Xeral para o Deporte as actas das reunións da asemblea xeral e da comisión delegada no prazo de 15 días dende a data da súa celebración, así como as convocatorias delas.

d) Cantas funcións lle encomenden os estatutos e regulamentos da Federación Galega de Pesca e Casting, ou lle sexan delegadas polo presidente.

3. O tesoureiro da federación é o órgano de administración dela.

Exercerá como funcións propias:

a) Leva-la contabilidade da Federación Galega de Pesca e Casting.

b) Exerce-la inspección económica de tódolos órganos da Federación Galega de Pesca e Casting.

c) Elaborar e presentar informes á comisión delegada do estado contable da Federación Galega de Pesca e Casting.

d) Calquera outra función que lle encomenden os estatutos e reglamentos da Federación Galega de Pesca e Casting.

Artigo 39º

Para ser membro da xunta directiva non será necesario formar parte da asemblea xeral, pero si da Federación Galega de Pesca e Casting.

Artigo 40º

Os membros da xunta directiva cesarán polas seguintes causas:

a) Vacancia na presidencia, sen prexuízo da súa conversión en comisión xestora nos casos previstos nos estatutos.

b) Demisión.

c) Falecemento ou incapacidade física ou psíquica para continuar no exercicio do seu cargo.

d) Por incorrer en causa de inelixibilidade ou incompatibilidade.

e) Cesados directamente polo presidente co cumprimento das comunicacións a que se refiren os presentes estatutos.

Artigo 41º

A xunta directiva como órgano colaborador do presidente non terá competencias propias e exercerá, por delegación, as que lle encomende o presidente que poderá avocar e revogar en calquer momento.

Artigo 42º

Os asuntos ordinarios de trámite serán despachados polo presidente e o secretario.

TÍTULO IV

Dos órganos técnicos e asesores

Capítulo I

Comisións en xeral

Artigo 43º

1. A Federación Galega de Pesca e Casting poderá crear, logo de aprobación pola asemblea xeral, cantas comisións técnicas precise, ademais das seguintes:

a) Os comités de disciplina deportiva: comité de competición ou xuíz único e comité de apelación.

b) Comité de Xuíces Árbitros.

c) A Dirección Técnica (é opcional).

Tódalas comisións rexeranse polos seus respectivos regulamentos internos e, se é o caso, pola normativa nacional unificada e emanada da Federación Española da mesma modalidade, pola lexislación aplicable, e polo disposto nos presentes estatutos.

Tódolos presidentes dos comités serán nomeados polo presidente da Federación Galega de Pesca e Casting. O secretario da Federación Galega de Pesca e Casting intervirá como secretario de tódolos comités sen voz e sen voto, salvo que fose membro dos mesmos.

Capítulo II

Comité de xuíces-árbitros

Artigo 44º

No seo da Federación Galega de Pesca e Casting constituirase, de maneira obrigatoria, un comité de xuíces ou árbitros, no cal o presidente será designado polo presidente da Federación Galega de Pesca e Casting.

Este comité poderá adopta-la estructura territorial da Federación Galega de Pesca e Casting.

Serán funcións deste comité:

a) Establece-los niveis de formación arbitral.

b) Clasificar tecnicamente ós xuíces ou árbitros, en función de criterios prefixados pola asemblea xeral, propoñendo á xunta directiva a adscrición ás categorías correspondentes. Estas clasificacións comunicaranse á asemblea xeral.

c) Propoñer ós candidatos a xuíces ou árbitros nacionais.

d) Propoñer á xunta directiva as normas administrativas que regulan a arbitraxe, para a súa posterior aprobación pola asemblea xeral.

e) Designar ós colexiados nas competicións oficiais de ámbito galego.

f) Colaborar cos órganos competentes da Federación Galega de Pesca e Casting.

Tódolos presidentes dos comités serán nomeados polo presidente da Federación Galega de Pesca e Casting. O secretario da Federación Galega de Pesca e Casting intervirá como secretario de tódolos comités sen voz e sen voto, salvo que fose membro dos mesmos.

TÍTULO V

Réxime electoral

Capítulo I

Os censos

Artigo 45º

Compoñerán os censos correspondentes a cada estamento electoral tódolos membros da Federación Galega de Pesca e Casting que reúnan os requisitos establecidos para cada estamento nos presentes estatutos e no Regulamento electoral.

Capítulo II

Regulamento electoral

Artigo 46º

Os procesos electorais desenvolveranse conforme o Regulamento electoral que deberá ser aprobado

pola asemblea xeral, a proposta do presidente, e regulará as seguintes cuestións:

1. Número de membros da asemblea xeral; circunscrición electoral e número de representantes que por cada circunscrición electoral corresponda a cada un dos estamentos.

2. Calendario electoral.

3. Censo electoral.

4. Composición, competencias e funcionamento da xunta electoral.

5. Requisitos para presentación e proclamación de candidatos. O termo para a presentación de candidatos a presidente e membros da asemblea xeral non poderá ser inferior a 10 días.

6. Procedimiento de resolución de conflictos, impugnacións e reclamacións así como os recursos electorais.

7. Regulación do voto por correo nas eleccións á asemblea xeral. Non se admitirá esta clase de voto nas eleccións á comisión delegada e presidente.

8. Composición, competencia, funcionamento e situación das mesas electorais.

9. Elección de presidente.

10. Elección da comisión delegada.

O Regulamento electoral deberá ser ratificado pola Secretaría Xeral para o Deporte.

Capítulo III

A comisión xestora

Artigo 47º

Acordada a convocatoria de eleccións pola asemblea xeral e aprobado o Regulamento electoral, o presidente procederá no prazo sinalado no mesmo á convocatoria de eleccións á asemblea xeral. A partir dese momento, a xunta directiva, e o presidente constituiranse en comisión xestora, e someterán o Regulamento electoral á ratificación pola Secretaría Xeral para o Deporte.

A comisión xestora garantirá a máxima difusión e publicidade das convocatorias de eleccións á asemblea xeral e presidente, así como, do Regulamento electoral coas medidas previstas nas disposicións federativas a través dun medio que permita asegura-la recepción da dita notificación. Deberá expoñerse o Regulamento electoral en cada circunscrición electoral o mesmo día da convocatoria.

A comisión xestora administrará a Federación Galega de Pesca e Casting e convocará e realizará novas eleccións no prazo máximo de tres meses no caso de que non se presentara ningunha candidatura ou non fose válida ningunha das presentadas.

Capítulo IV

Circunscrición electoral

Artigo 48º

A circunscrición electoral será cada unha das provincias da Coruña, Lugo, Ourense e Pontevedra na

que teña o seu domicilio para efectos federativos cada un dos membros dos respectivos estamentos.

Capítulo V

Xunta electoral

Artigo 49º

O nomeamento da xunta electoral elixirase pola asemblea xeral extraordinaria e estará integrada por tres membros titulares e tres suplentes que se elixirán por persoas que non sexan candidatos, en elección libre, directa, igual e secreta e ratificados pola Secretaría Xeral para o Deporte.

Capítulo VI

Mesas electorais

Artigo 50º

Para a elección dos distintos estamentos da asemblea xeral, do presidente e da comisión delegada, constituiranse unha ou varias mesas electorais na forma establecida no Regulamento electoral. Os membros destas mesas non poderán ser candidatos, axustándose no seu funcionamento ás normas que se establezan no Regulamento electoral.

Capítulo VII

Recursos

Artigo 51º

As reclamacións e impugnacións que se presenten contra calquera acto electoral dirixiranse á xunta electoral e contra o que esta resolva caberá recurso ante o Comité Galego de Disciplina Deportiva. Así mesmo caberá recurso ante o Comité Galego de Disciplina Deportiva, contra tódolos actos, acordos ou resolucións da xunta electoral ou calquera outro órgano ou membro da Federación Galega de Pesca e Casting en materia electoral.

Capítulo VIII

Elección da asemblea xeral

Artigo 52º

1. Os membros da asemblea xeral serán elixidos cada catro anos coincidindo cos Xogos Olímpicos de inverno mediante sufraxio libre, secreto, igual e directo entre e polos compoñentes dos distintos estamentos da Federación Galega de Pesca e Casting.

2. As eleccións á asemblea xeral serán acordadas pola mesma que aprobará a convocatoria con tódolos requisitos que se establecerán no Regulamento electoral, que así mesmo se aprobe.

3. Acordada pola asemblea xeral a convocatoria de eleccións, o acordo será formalmente executado polo presidente da Federación Galega de Pesca e Casting, quen a asinará.

4. Desde a convocatoria para a celebración desta asemblea xeral a xunta directiva e o presidente constituiranse en comisión xestora, de acordo co disposto no artigo 47º dos presentes estatutos.

Artigo 53º

Para ser candidato a membro da asemblea xeral requírese o cumprimento dos requisitos establecidos con carácter xeral no artigo 14º.5 destes estatutos.

Os requisitos esixidos para ser electores ou elixibles deberán terse cumpridos no día no que se publique a convocatoria de eleccións.

Artigo 54º

As eleccións á asemblea xeral realizaranse para cada un dos postos correspondentes ós estamentos integrantes da mesma de acordo co previsto nestes estatutos.

Artigo 55º

Os representantes das entidades deportivas na asemblea xeral serán elixidos por e entre os representates dos correspondentes a cada circunscrición electoral dos que integran o censo de entidades deportivas inscritas no rexistro público da Federación e no Rexistro de Clubs, Federacións e Asociacións Deportivas da Xunta de Galicia, no momento da convocatoria das eleccións e estivesen igualmente inscritos durante a tempada deportiva anterior, sempre que participasen en competicións ou actividades de carácter oficial organizadas pola Federación Galega de Pesca e Casting ou pola Federación Española da mesma modalidade coa aprobación ou intervención daquela.

Artigo 56º

Os representantes dos deportistas na Asemblea Xeral serán elixidos por e entre os maiores de 18 anos correspondentes a cada circunscrición electoral dos que teñan licencia en vigor expedida pola Federación no momento da convocatoria das eleccións e tamén a tivesen, ó menos, durante a tempada deportiva anterior, sempre que participasen en competicións ou actividades de carácter oficial organizadas pola federación ou pola Federación Española da mesma especialidade, coa aprobación ou intervención daquela.

Artigo 57º

Os representantes dos técnicos-adestradores e dos xuíces-árbitros na asemblea xeral serán elixidos por e entre os pertencentes a cada estamento, calquera que sexa a súa categoría, dos que teñan licencia en vigor no momento da convocatoria das eleccións e tamén a tivesen, como mínimo, na tempada deportiva inmediatamente anterior, sempre que participasen en competición ou actividades de carácter oficial organizadas pola Federación Galega de Pesca e Casting ou pola Federación Española da mesma modalidade, coa aprobación ou intervención daquela.

Capítulo IX

Elección de presidente

Artigo 58º

Unha vez concluídas as eleccións á asemblea xeral, o presidente da comisión xestora, logo de acordo

da mesma, procederá inmediatamente á convocatoria da dita asemblea para elixi-lo presidente e a comisión delegada da Federación Galega de Pesca e Casting.

O presidente será elixido para un período de catro anos, coincidindo cos anos en que se celebren Xogos Olímpicos de inverno, pola asemblea xeral, mediante sufraxio libre, directo, igual e secreto por tódolos membros da dita asemblea xeral previa a presentación e aceptación das candidaturas correspondentes que deberán estar avaladas ó menos polo 10% dos membros da asemblea xeral. Os candidatos a presidente poderán non ser membros da asemblea xeral.

Artigo 59º

Será elixido presidente o candidato que obteña a maioría absoluta dos votos emitidos.

No suposto de que se presentara un só candidato, non se efectuará votación, sendo proclamado presidente o único candidato pola Secretaría Xeral para o Deporte.

Artigo 60º

Para poder ser candidato a presidente da Federación Galega de Pesca e Casting, deberán reunirse as condicións seguintes:

a) Te-la condición de cidadán de Galicia, segundo o que dispón o Estatuto de autonomía.

b) Ser maior de idade e estar en pleno uso dos dereitos civís.

c) Non estar incurso en ningunha sanción deportiva que o inhabilite, dictada polos órganos disciplinarios da Federación Galega de Pesca e Casting ou polo Comité Galego de Disciplina Deportiva.

d) Non ter sido condenado mediante sentencia xudicial firme que leve anexa pena principal ou accesoria de inhabilitación absoluta ou especial para o desempeño de cargos públicos.

Artigo 61º

A votación será libre, igual, secreta y directa, non admitíndose o voto por correo, nin por delegación das persoas físicas.

Capítulo X

Elección da comisión delegada

Artigo 62º

Na mesma asemblea xeral convocada para a elección de presidente, e unha vez realizada esta, procederase á elección dos membros da comisión delegada da asemblea xeral.

A comisión delegada estará composta por un máximo do 15% dos membros da asamblea, e ademais o presidente da Federación Galega de Pesca e Casting.

Os membros da comisión delegada serán elixidos por e entre os integrantes da asemblea xeral.

Serán elixidos membros da comisión delegada os que obteñan maior número de votos hasta cubri-lo número de membros correspondente á comisión delegada.

TÍTULO VI

Réxime económico

Artigo 63º

A Federación Galega de Pesca e Casting está sometida ó réxime de administración, orzamento e patrimonio propio e caixa única.

O tesoureiro someterá á asemblea xeral ordinaria un balance de situación e as contas de ingresos e gastos, memoria económica, así como o orzamento para a tempada seguinte, balance e orzamento que deberá ser notificado á Secretaría Xeral para o Deporte.

Non poderá aprobarse un orzamento deficitario salvo autorización da Secretaría Xeral para o Deporte. Tampouco poderán repartirse beneficios entre os seus membros.

A Federación Galega de Pesca e Casting elaborará unha memoria que analizará fielmente a actividade económica da Federación Galega de Pesca e Casting, a súa adecuada actuación orzamentaria, o cumprimento dos obxectivos e os proxectos a desenvolver, e informará separadamente como mínimo sobre os seguintes aspectos:

1. Diferenciación dos ingresos e aportacións segundo:

a) Subvencións públicas.

b) Subvencións, donativos ou aportacións privadas.

c) Vendas de activos.

d) Ingresos procedentes de competicións organizadas.

e) Ingresos para servicios prestados pola Federación Galega de Pesca e Casting, permisos, licencias e outros.

f) Ingresos financeiros.

2. Tamén constará o destino da totalidade dos recursos, distinguindo como mínimo os grupos de custo ou investimentos seguintes:

a) Administración da Federación Galega de Pesca e Casting.

b) Dirección e servicios da directiva, incluíndo viaxes.

c) Competicións.

d) Axudas a clubs e outras entidades.

e) Axudas para actos deportivos.

f) Construccións e outros inmobilizados.

g) Formación de deportistas e técnicos.

h) Deportes de elite e profesional.

i) Árbitros.

j) Órganos xurisdiccionais.

3. O importe das obrigacións de pagamento que é necesario satisfacer noutros exercicios que non estean previstos no balance.

4. O importe das garantías e os avais comprometidos.

5. A liquidación do orzamento, que explique as variacións en relación co orzamento aprobado na asemblea anterior.

As contas anuais e os orzamentos estarán no domicilio social da Federación Galega de Pesca e Casting cunha antelación mínima de 15 días á data de celebración da asemblea xeral, á disposición das persoas ou entidades con dereito a voto, na mesma, as cales poderán pedir copia que se lles entregará antes da celebración da asemblea.

Artigo 64º

Constitúen os ingresos da Federación Galega de Pesca e Casting:

a) As subvencións ordinarias e extraordinarias da Xunta de Galicia ou as que outras entidades públicas poidan concederlle, así como as provenientes, se é o caso, da Federación Española da mesma modalidade deportiva.

b) Os bens ou dereitos que reciba por herdanza, legado ou doación de persoas físicas ou entidades particulares así como os premios que lle sexan outorgados.

c) As cotas dos seus afiliados.

d) As sancións pecunarias que se lle impoñan ós seus afiliados dentro do exercicio da potestade disciplinaria.

e) Os froitos, rendas e intereses dos seus bens patrimoniais.

f) Os préstamos ou créditos que se lle concedan.

g) Os beneficios que produzan as actividades e competicións deportivas que organice, así coma os derivados dos contratos que realice.

h) Calquera outro que poida serlle atribuído por disposición legal ou en virtude de convenio.

Artigo 65º

A Federación Galega de Pesca e Casting destinará a totalidade dos seus ingresos e patrimonio á consecución dos fins propios do seu obxecto social.

Artigo 66º

A xestión económica ordinaria correrá a cargo do tesoureiro, baixo a dirección do presidente, coidando das operacións de cobros e pagos. Autorizará coa súa sinatura, mancomunada coa do presidente, ou coa do vicepresidente autorizado, tódolos documentos de movementos de fondos. Será responsable da levanza e custodia dos libros de contabilidade. For

mulará os balances que anualmente deberán presentarse á asemblea xeral para a súa aprobación.

TÍTULO VII

Réxime documental

Artigo 67º

O réxime documental da Federación Galega de Pesca e Casting comprenderá, como mínimo, os seguintes libros debidamente dilixenciados:

a) Libro de rexistro de entrada e saída de documentos e comunicacións oficiais.

b) Libro de rexistro de clubs nos que constarán a denominación destes, domicilio social e número de inscrición no Rexistro de Clubs, federacións e entidades deportivas da Xunta de Galicia.

c) Libros de actas que consignarán as reunións que celebren tódolos órganos colexiados da Federación Galega de Pesca e Casting, tanto de goberno e representación como complementarios e técnicos.

d) Libros de contabilidade.

e) Libro inventario de bens mobles e inmobles.

f) Rexistro dos membros da asemblea xeral e da comisión delegada no que deberán consta-los nombres dos titulares ou representantes legais e os domicilios para as citacións e comunicacións.

Artigo 68º

O réxime documental da Federación Galega de Pesca e Casting estará a cargo do secretario, a quen lle corresponde a custodia dos libros da Federación Galega de Pesca e Casting, levantar actas das reunións dos órganos colexiados e, unha vez aprobadas, asinadas co visto e prace do presidente, expedir certificacións, remiti-las certificacións e acordos que procedan á Secretaría Xeral para o Deporte e, en xeral, prepara-la resolución e despacho de tódolos asuntos.

No caso de ausencia ou imposibilidade física do secretario, as súas funcións serán desempeñadas polo propio presidente da Federación Galega de Pesca e Casting ou pola persoa en quen delegue.

TÍTULO VIII

Réxime disciplinario e xurisdiccional

Artigo 69º

A Federación Galega de Pesca e Casting en materia de disciplina deportiva, ten potestade sobre tódalas persoas que formen parte da súa estructura orgánica, as entidades deportivas e os seus deportistas, técnicos e directivos, os xuíces e árbitros e, en xeral, todas aquelas persoas e entidades que, estando federados, desenvolvan a actividade deportiva que constitúe o seu obxecto social no ámbito territorial da Comunidade Autónoma galega.

Artigo 70º

Os órganos competentes en materia disciplinaria serán:

a) En primeira instancia un comité de competición ou xuíz único.

b) En segunda instancia, un comité de apelación.

Ambos órganos rexeranse por e aplicarán o disposto no Real decreto 1591/1992, de 23 de decembro, sobre disciplina deportiva.

O comité de competición ou xuíz único de competición estará integrado por un número de membros entre 1 e 3 nomeados pola asemblea xeral de entre membros da Federación Galega de Pesca e Casting. O comité de apelación estará integrado por 3 membros, así mesmo nomeados pola asemblea xeral entre os membros da Federación Galega de Pesca e Casting (*).

A duración do cargo coincidirá coa da asemblea xeral que os nomease e durante o dito período só cesarán por renuncia ou dimisión, falecemento, incapacidade física ou psíquica, perda da condición de membro da Federación Galega de Pesca e Casting, e sanción que o inhabilite para o cargo.

Unha vez elixidos os membros dos comités, estos designarán os seus presidentes nas primeiras reunións que celebren.

A composición destes comités será comunicada á Secretaría Xeral para o Deporte na forma prevista nestes estatutos.

Artigo 71º

As resolucións dictadas polo comité de apelación dentro das súas competencias terán carácter definitivo no ámbito da Federación Galega de Pesca e Casting e poderán ser recorridas ante o Comité Galego de Disciplina Deportiva conforme a lexislación vixente.

TÍTULO IX

Da modificación dos estatutos e da disolución da Federación Galega de Pesca e Casting

Artigo 72º

Os estatutos da Federación Galega de Pesca e Casting só poden ser modificados pola asemblea xeral e de acordo co establecido nos presentes estatutos.

Artigo 73º

A proposta de modificación dos estatutos deberá ser acordada polo presidente ou comisión delegada da Federación Galega de Pesca e Casting, nomeándose seguidamente por ela unha comisión técnica que realice os traballos necesarios para presentar á asemblea o novo texto que se someterá a aprobación.

Aprobada a reforma dos estatutos pola asemblea xeral deberá ser ratificada pola Secretaría Xeral para o Deporte.

Artigo 74º

A Federación Galega de Pesca e Casting extinguirase polas seguintes causas:

a) Por acordo da maioría de 2/3 dos membros da asamblea xeral refrendado, por maioría absoluta, por

tódolos membros da Federación Galega de Pesca e Casting a través de votación libre, igual, directa e secreta.

b) Polas demais causas que determinen as leis.

Unha vez producida a liquidación, o patrimonio neto destinarase ós fins de carácter deportivo que determine a Secretaría Xeral para o Deporte de conformidade co disposto no Decreto 228/1994, de xullo, regulador das Federación Galega de Pesca e Casting deportivas galegas e a Orde do 28 de xullo de 1995 e cumprida dita normativa,

CERTIFICAMOS:

Que estes estatutos aprobáronse na asemblea xeral extraordinaria celebrada en Santiago de Compostela o día 5 de novembro de 1995

9601897