O Pleno deste Concello, na súa sesión do 23 de decembro de 1995, aprobou inicialmente a modificación do estudio de detalle do cuarteirón entre as rúas Estrada provincial, 1ª travesía da Salgueira, baixada á Salgueira e 3ª travesía da estrada provincial (2540/411), aprobado definitivamente en sesión plenaria do 26 de marzo de 1994, modificación redactada pola oficina municipal de planeamento e consistente en rectifica-la rasante do patio de cuarteirón prevista nese estudio de detalle (cota
84), situándoa a nivel da rasante da Estrada Provincial (cota 87).
Suspéndese, ata a aprobación definitiva, as licencias de parcelación, edificación e demolición, na área abranguida por este instrumento de planeamento secundario, cos seguintes límites:
Norte: Estrada provincial.
Sur: 1ª travesía da Salgueira.
Leste: baixada á Salgueira.
Oeste: 3ª travesía da estrada provincial.
O que se somete a información pública polo prazo de quince días, coa publicación do anuncio no DOG, BOP, nun xornal dos de maior difusión e no taboleiro de edictos da Casa do Concello, ademais das notificacións persoais ós interesados.
A documentación do expediente está ó dispor dos interesados na oficina municipal de información urbanística, podéndose presentar alegacións desde a primeira publicación deste anuncio ata a fin do prazo de exposición, logo do derradeiro anuncio.
Vigo, 22 de xaneiro de 1996.
Manuel Pérez Álvarez
Alcalde
96-1134