Aprobado inicialmente polo Concello Pleno, con data do 30 de novembro de 1995, o estudio de detalle do cuarteirón delimitado polas rúas Urzáiz, Estremadura e Aragón (3595/411), de iniciativa municipal, redactado polo arquitecto do Ramón Fernando Sampil Sánchez, coa indicación de que as edificacións consolidadas das que o E.D. propón o seu mantemento, deberán ter un tratamento de fachadas e medianís, aprobándose inicialmente, así mesmo, a unidade de execución delimitada no expediente (plano nº 8) que corresponde ás parcelas números 10, 19, 20, 21, 22, 23, 24, 01 e 02 do plano parcelario, fixando como sistema de execución o de compensación; sométese a información pública polo prazo de quince días, mediante anuncios no Diario Oficial de Galicia, BOP, nun dos xornais de maior circulación da provincia e máis no taboleiro de anuncios do Concello, con notificación persoal ós propietarios e restantes interesados directamente afectados.
O prazo entenderase aberto desde a primeira publicación ata o remate dos quince días, contados desde o día seguinte ó do derradeiro anuncio.
O que se fai público para xeral coñecemento, coa indicación de que a documentación se atopa na Oficina Municipal de Información para exame e alegacións.
Vigo, 9 de xaneiro de 1996.
Manuel Pérez Álvarez
Alcalde
96-1133