No anexo IX da Resolución do 31 de xaneiro de 1996 (DOG nº 35, do 19 de febreiro), nomeouse o tribunal cualificador para o ingreso na categoría de ATS/DUE de persoal estatutario do Servicio Galego de Saúde convocado por Resolución do 19 de xuño de 1995.
O apartado 6 da base quinta da convocatoria dispón que a autoridade convocante ordenará a publicación no Diario Oficial de Galicia da resolución pola que se nomean os novos membros do tribunal que teñan que substituí-los que perderan a súa condición por algunha das causas previstas no apartado 5 da mesma base, así como os substitutos daqueles, producíndose deste xeito unha nova composición deles.
Por isto, esta dirección xeral,
DISPÓN:
Primeiro.-Modifica-lo anexo IX da Resolución do 31 de xaneiro de 1996 pola que se nomea o tribunal cualificador do concurso-oposición para o ingreso na categoría de ATS/DUE de persoal estatutario do Sergas convocado por resolución do 19 de xuño de 1995, nomeándose presidente titular ó antes presidente suplente Carlos Negreira Souto, director xeral de Recuros Humanos do Servicio Galego de Saúde e presidente suplente a Jesús Jaime Torres Rey, director xeral de atención especializada do dito organismo.
Segundo.-A presente resolución producirá efectos a partir do mesmo día da súa publicación no Diario Oficial de Galicia.
Santiago de Compostela, 26 de febreiro de 1996.
P.D. (Orde 15-9-1994)
Carlos Negreira Souto
Director xeral de Recursos Humanos
1088