Notificóuselle á Consellería de Sanidade e Servicios Sociais providencia da Sala do Contencioso-Administrativo do Tribunal Superior de Xustiza de Galicia pola que se reclama o expediente relativo ó recurso nº 1/198/1996, interposto pola Asociación de Médicos Substitutos de Lugo (Amesu) contra o
pacto sobre nomeamentos e contratos temporais do persoal estatutario nas institucións sanitarias xestionadas polo Servicio Galego de Saúde (DOG nº 14, do 19 de xaneiro de 1996).
En consecuencia, esta dirección xeral acorda, de conformidade co disposto no artigo 8 da Lei 62/1978, do 26 de decembro, de protección xurisdiccional dos dereitos fundamentais da persoa, a remisión do citado expediente administrativo, o que se notifica para xeral coñecemento de tódalas persoas interesadas no procedemento e son emprazadas para que poidan comparecer e constituírse en parte en autos na sección primeira da referida sala no prazo de cinco días.
Santiago de Compostela, 14 de febreiro de 1996.
Carlos Negreira Souto
Director xeral de Recursos Humanos
1428