De conformidade co disposto no artigo 27.2º da Lei 4/1988, do 26 de maio, da función pública de Galicia, na súa nova redacción dada polas leis 4/1991 do 8 de marzo, e 3/1995 do 10 de abril, artigo 16 do Decreto 93/1991, do 20 de marzo, polo que se aproba o regulamento de provisión de postos de traballo, promoción profesional e promoción interna, e no uso das atribucións conferidas polo artigo 15.4º da referida lei, esta consellería,
DISPÓN:
Primeiro.-Anuncia-la convocatoria para cubrir, polo sistema de libre designación, os postos de traballo que se indican no anexo I desta orde.
Segundo.-Poderán concorrer a ela os/as funcionarios/as que reúnan as condicións que para o posto de traballo se sinalan no anexo I.
Terceiro.-As solicitudes para participar na presente convocatoria presentaranse no rexistro xeral desta consellería (edificios administrativos de San Caetano, Santiago de Compostela), nas súas delegacións provinciais ou nas oficinas previstas no artigo 38 da Lei 30/1992, do 26 de novembro, de réxime
xurídico das administracións públicas e do procedemento administrativo común, no prazo de quince días, contados a partir do seguinte ó da publicación desta orde no Diario Oficial de Galicia, segundo o modelo que se inclúe como anexo II.
Cuarto.-Os/as aspirantes deberanlle xuntar á petición un curriculum vitae e xustificar mediante certificación ou copia compulsada os méritos que aleguen.
Os méritos alegados e non probados da maneira que se sinala no punto anterior non seran tidos en conta.
Quinto.-No caso de que resulten seleccionados/as para ocupa-los postos de traballo que se relacionan no anexo I desta orde funcionarios/as con destino noutras administracións, se requirirase o informe favorable do departamento onde presten servicios, considerándose favorable de non emitirse no prazo de quince días, segundo o disposto no artigo 67 do Real decreto 364/1995, do 10 de marzo.
Sexto.-A resolución desta convocatoria farase pública no Diario Oficial de Galicia, podendo, de considerarse oportuno, declararse desertos os postos de traballo.
Sétimo.-O prazo de toma de posesión será de tres días hábiles se o destino anterior radica na mesma localidade cá do novo, ou dun mes se radica en localidade distinta ou comporta o reingreso ó servicio activo.
O prazo de toma de posesión empezará a contarse a partir do día seguinte ó do cesamento, que deberá efectuarse dentro dos tres días hábiles seguintes ó da publicación da resolución no Diario Oficial de Galicia.
Se a resolución comporta o reingreso ó servicio activo, o prazo de toma de posesión deberá computarse desde o día seguinte ó da publicación da resolución.
Oitavo.-Contra esta orde, que pon fin á vía administrativa, os interesados poderán interpor recurso contencioso-administrativo perante o Tribunal Superior de Xustiza de Galicia no prazo de dous meses a partir do día seguinte ó da súa publicación no Diario Oficial de Galicia, logo de comunicación a esta consellería da vontade de interpoñelo.
Santiago de Compostela, 4 de marzo de 1996.
José Cuíña Crespo
Conselleiro de Política Territorial, Obras Públicas e Vivenda
ANEXO I
específicaCódigo Denominación do posto de traballo Centro directivo Localidade Corpo ou escala Grupo Nivel Específico Titulación Formación
Compostela Xeral./Esp.
Compostela Xeral./Esp.
Compostela Xeral./Esp.
Compostela Xeral./Esp.
Compostela Xeral.
OT.CO2.00.000.15770.023 Xefe servicio Coord. Téc. e Inspección Secretaría Xeral Santiago de
Admón.
A/B 28 1.639.104
OT.CO3.00.000.15770.001 Sub. xeral de Urbanismo e Arquitectura Dirección Xeral de Calidade Medioambiental e Urbanismo Santiago de
Admón.
A 30 2.229.156
OT.CO3.00.001.15770.005 Servicio Planificación Urbanística Dirección Xeral de Calidade Medioambiental e Urbanismo Santiago de
Admón.
A/B 28 1.639.104 Coñecementos urbanismo
OT.CO3.00.001.15770.016 Servicio de Dictames e Informes Dirección Xeral de Calidade Meidoambiental e Urbanismo Santiago de
Admón.
A/B 28 1.639.104 Coñecementos medio ambiente
OT.CO4.00.007.15770.007 Servicio Xestión Suridico-Adva. Dirección Xeral de Obras Públicas Santiago de
Admón.
A/B 28 1.639.104 Lic. Dereito
96-1310