Por Real decreto 91/1996, de 26 de xaneiro, amplíanse os medios adscritos ós servicios da Administración do Estado traspasados á Comunidade Autónoma de Galicia polo Real decreto 2834/1983, en materia de protección á muller.
Parece, pois, conveniente asumir de forma expresa tales medios, que se consignan no Real decreto 91/1996, nos termos e condicións especificados no acordo da Comisión Mixta de Transferencia, e consignárllelos ós órganos correspondentes da Administración galega.
Na súa virtude, por proposta do conselleiro da Presidencia e Administración Pública, logo de deliberación do Consello da Xunta de Galicia na súa reunión do día vintenove de febreiro de mil novecentos noventa e seis,
DISPOÑO:
Artigo único.-Quedan asumidos os medios persoais e os créditos traspasados pola Administración do Estado á Comunidade Autónoma de Galicia en virtude do Real decreto 91/1996, do 26 de xaneiro, en materia de protección á muller, nos termos e condicións especificados no acordo da Comisión Mixta de Transferencia que se publica como anexo ó dito real decreto.
Os bens, dereitos e obrigas, así como o persoal e créditos orzamentarios que figuran nas relacións adxuntas ó anexo do real decreto citado asígnanse ó Servicio Galego de Promoción da Igualdade do Home e da Muller, organismo autónomo adscrito á Consellería de Familia, Muller e Xuventude.
Disposicións derradeiras
Primeira.-A Consellería de Familia, Muller e Xuventude dictará cantas disposicións sexan precisas para o desenvolvemento e execución do presente decreto.
Segunda.-Este decreto entrará en vigor ó día seguinte ó da súa publicación no Diario Oficial de Galicia.
Santiago de Compostela, vintenove de febreiro de mil novecentos noventa e seis.
Manuel Fraga Iribarne
Presidente
Dositeo Rodríguez Rodríguez
Conselleiro da Presidencia e Administración Pública
1468