Dentro dos programas de actividades que a Academia Galega de Seguridade ten previsto realizar no ano 1996 de forma descentralizada, e conforme as funcións atribuídas pola Lei 4/1992, do 9 de abril, de Creación da Academia Galega de Seguridade, anúnciase a celebración dun curso sobre dereito procesual básico, que deberá desenvolverse conforme as seguintes bases:
Obxectivos.
O curso ten por obxectivo principal dota-lo policía dun coñecemento teórico-práctico nos temas de dereito procesual, que lle poida ser eficaz no desempeño posterior da súa profesión.
Destinatarios.
O curso vai dirixído ós membros dos corpos da policía local de Galicia, e membros da unidade do CNP adscrita á Comunidade Autónoma de Galicia.
Inscrición.
A inscrición dos participantes será totalmente gratuíta.
Prazas.
O número de prazas que se ofertará neste curso será de 50.
Solicitudes.
1. O persoal que desexe participar nestes cursos deberá presentar, cuberta a máquina ou con letra moi clara, a instancia que figura no anexo, acompañada dunha fotocopia do DNI e do carné profesional.
2. O prazo para a presentación de instancias rematará ás 14 horas do día 18 de marzo de 1996.
3. As instancias deberán enviarse á sede da Academia Galega de Seguridade: rúa de Madrid, 2-4, polígono das Fontiñas, 15703, Santiago de Compostela, ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
Contido e duración.
O curso celebrarase en sesións de tarde, de luns a venres, e nel trataranse, entre outros, os seguintes temas:
a) O proceso penal e o dereito procesual penal.
b) A xurisdicción penal. c) Acción penal e acción civil.
c) Actos do proceso penal.
d) Actuacións sumariais.
e) A sentencia e a cousa xulgada penal.
f) Os recursos.
g) O proceso penal abreviado. O xuízo de faltas.
h) O procedemento de habeas corpus.
i) A execución penal.
Datas.
O curso celebrarase do 25 ó 29 de marzo de 1996.
O horario será das 16 ás 20 horas.
Relación de admitidos.
A relación de admitidos publicarase o día 21 de marzo de 1996, no taboleiro de anuncios da Academia Galega de Seguridade, ou ben poden confirma-la súa asistencia chamando ó teléfono (981) 56 34 00.
Lugar.
O curso desenvolverase na cidade de Pontevedra, quedando por concretar o seu lugar de celebración, que se comunicará previamente xunto coa lista de admitidos.
Certificado de asistencia e aproveitamento.
Ó remate do curso entregaráselles un certificado de asistencia e aproveitamento a aquelas persoas
que acrediten a súa participación continuada ó mesmo, non podendo supera-las faltas de asistencia un 15% do total da duración de horas lectivas do curso; unha inasistencia superior ó 15%, aínda que sexa xustificada, e a non superación das correspondentes probas de coñecementos, impedirá a expedición do certificado.
Modificación.
A Academia Galega de Seguridade poderá modifica-lo desenvolvemento do curso para adaptalo ás necesidades da Administración e ás continxencias que poidan xurdir.
Santiago de Compostela, 20 de febreiro de 1996.
Juan José Fariñas-Ferro RodríguezA
Director xeral da Academia Galega de Seguridade
0762
