A Constitución española reserva para o Estado no artigo 149.1.13º a competencia sobre as bases e coordinación da planificación xeral da actividade económica; e no artigo 148.1.7º establece que as comunidades autónomas poderán asumir competencias en materia de agricultura e gandería, de acordo coa ordenación xeral da economía.

Por outra parte, o Estatuto de autonomía para Galicia, aprobado pola Lei orgánica 1/1981, do 6 de abril, atribúelle á Comunidade Autónoma galega, no seu artigo 30.1.tres a competencia exclusiva en materia de agricultura e gandería, de acordo coas bases e a ordenación da actuación económica xeral e da política monetaria do Estado.

Mediante os reais decretos 2423/1982, do 24 de xullo; 1124/1985, do 30 de abril; 167/1981, do 9

de xaneiro, e 1535/1984, do 20 de xuño, traspasáronse á Comunidade Autónoma de Galicia funcións e servicios en materia de agricultura, procedendo agora completar e amplia-los traspasos efectuados.

A comisión mixta prevista na disposición transitoria cuarta do Estatuto de autonomía para Galicia, co obxectivo de proceder á referida ampliación, adoptou ó respecto o oportuno acordo na súa sesión do Pleno celebrado o día 21 de decembro de 1995, a virtualidade práctica do cal esixe a súa aprobación polo Goberno mediante real decreto.

Na súa virtude, e en cumprimento do disposto na disposición transitoria cuarta do Estatuto de autonomía para Galicia, por proposta do ministro para as Administracións Públicas e logo de deliberación do Consello de Ministros na súa reunión do día vinteseis de xaneiro de mil novecentos noventa e seis,

DISPOÑO:

Artigo 1º

Apróbase o acordo da Comisión Mixta de Transferencias Administración do Estado-Comunidade Autónoma de Galicia, prevista na disposición transitoria cuarta do Estatuto de autonomía para Galicia, polo que se amplían os medios adscritos ás funcións e servicios traspasados en materia de agricultura, adoptado polo Pleno da dita comisión, na súa sesión do día 21 de decembro de 1995, e que se transcribe como anexo ó presente real decreto.

Artigo 2º

En consecuencia, quedan traspasados á Comunidade Autónoma de Galicia os bens, dereitos e obrigacións, persoal e créditos orzamentarios correspondentes, nos termos que resultan do propio acordo e das relacións anexas.

Artigo 3º

Os traspasos a que se refire este real decreto terán efectividade a partir do día sinalado no acordo da mencionada comisión mixta, sen prexuízo de que o Ministerio de Agricultura, Pesca e Alimentación produza, ata a entrada en vigor deste real decreto, se é o caso, os actos administrativos necesarios para o mantemento dos servicios no mesmo réxime e nivel de funcionamento que tivesen no momento da adopción do acordo.

Artigo 4º

Os créditos orzamentarios que se determinen, de conformidade coa relación número 3 do anexo, serán dados de baixa nos correspondentes conceptos orzamentarios e transferidos polo Ministerio de Economía e Facenda ós conceptos habilitados na sección 32 dos orzamentos xerais do Estado, destinados a financia-lo custo dos servicios asumidos polas comunidades autónomas, unha vez que se remitan ó departamento citado, por parte do Ministerio de Agricultura, Pesca e Alimentación, os respectivos certificados de retención de crédito, para dar cumprimento ó disposto na vixente Lei 41/1994, do 30

de decembro, de orzamentos xerais do Estado para 1995.

Disposición derradeira

Única.-O presente real decreto será publicado simultaneamente no Boletín Oficial del Estado e no Diario Oficial de Galicia, adquirindo vixencia a partir da súa publicación.

Dado en Madrid o vinteseis de xaneiro de mil novecentos noventa e seis.

Xoán Carlos R.

Juan Lerma Blasco

Ministro para as Administracións públicas

ANEXO

Rosa Rodríguez Pascual e Alfonso Vaquero Marín, secretarios da Comisión Mixta de Transferencias prevista na disposición transitoria cuarta do Estatuto de autonomía para Galicia,

CERTIFICAN:

Que na sesión plenaria da Comisión Mixta, celebrada o día 21 de decembro de 1995, se adoptou un acordo sobre ampliación dos medios adscritos ós servicios traspasados á Comunidade Autónoma de Galicia en materia de agricultura (desenvolvemento rural), nos termos que se expresan a seguir:

A) Referencia ás normas constitucionais e estatutarias nas que se ampara a ampliación de medios.

A Constitución, no artigo 148.1.7º, establece que as comunidades autónomas poderán asumir competencias en materia de agricultura e gandería, de acordo coa ordenación xeral da economía.

O artigo 149.1.13º, tamén do texto constitucional, reserva para o Estado a competencia sobre as bases e coordinación da planificación xeral da actividade económica.

O Estatuto de autonomía para Galicia arpobado pola Lei orgánica 1/1981, do 6 de abril, establece no seu artigo 30.1.tres, a competencia exclusiva da Comunidade Autónoma galega en materia de agricultura e gandería, de acordo coas bases e a ordenación da actuación económica xeral e da política monetaria do Estado.

Mediante os reais decretos 2423/1982, do 24 de xullo; 1124/1985, do 30 de abril; 167/1981, do 9 de xaneiro, e 1535/1984, do 20 de xuño, traspasáronse á Comunidade Autónma de Galicia funcións e servicios en materia de agricultura.

Finalmente, a disposición transitoria cuarta do Estatuto de autonomía para Galicia e o Real decreto 581/1982, do 26 de febreiro, regulan o funcionamento da Comisión Mixta de Transferencias, así como a forma e condicións a que se axustarán os traspasos de funcións e servicios da Administración do Estado á dita Comunidade Autónoma.

Sobre as bases destas previsións normativas, procédese a efectuar unha ampliación dos medios que foron obxecto de traspaso en materia de agricultura, mediante os referidos reais decretos.

B) Bens, dereitos e obrigacións que se traspasan á Comunidade Autónoma de Galicia en materia de agricultura.

Traspásanselle á Comunidade Autónoma de Galicia os bens a que se fai referencia na relación adxunta número 1, nos termos que se recollen nela.

No prazo dun mes desde a publicación do real decreto polo que se aprobe este acordo, asinaranse as correspondentes actas de entrega e recepción de mobiliario, equipo e material inventariable.

C) Medios persoais correspondentes á ampliación.

1. Amplíanse os medios persoais adscritos ós servicios traspasados á Comunidade Autónoma de Galicia, en materia de agricultura, co traspaso do persoal que nominalmente se referencia na relación adxunta número 2.

2. O dito persoal pasará a depender da Comunidade Autónoma de Galicia nos termos legais en cada caso aplicables e nas circunstancias que se especifican na relación adxunta número 2 e que figuran nos seus expedientes de persoal.

3. A Subsecretaría do Ministerio de Agricultura, Pesca e Alimentación notificaralles ós interesados o traspaso e a súa nova situación administrativa tan pronto o Goberno aprobe o presente acordo por real decreto.

Así mesmo, remitiráselle ós órganos competentes da Comunidade Autónoma unha copia certificada de tódolos expedientes deste persoal traspasado, así como os certificados de haberes referidos ás cantidades devengadas durante 1995.

D) Valoración das cargas financeiras correspondentes á ampliación de medios.

1. A valoración definitiva do custo efectivo que, en pesetas de 1990, corresponde á ampliación de medios adscritos ós servicios traspasados á Comunidade Autónma de Galicia elévase a 50.917.052 pesetas.

2. O financiamento, en pesetas de 1995, que corresponde ó custo efectivo anual da ampliación de medios, detállase na relación número 3.

3. O custo efectivo que figura detallado nos cadros de valoración da relación número 3, financiarase do seguinte xeito:

Transitoriamente, ata que o custo efectivo se compute para revisa-la porcentaxe de participación da Comunidade Autónoma nos ingresos do Estado, o dito custo financiarase mediante a consolidación na sección 32 dos orzamentos xerais do Estado, dos créditos relativos ós distintos compoñentes do custo efectivo, polos importes que se determinen, susceptibles de actualización polos mecanismos xerais previstos en cada lei de orzamentos.

As posibles diferencias que se produzan durante o período transitorio a que se refire o parágrafo anterior, respecto ó financiamento do persoal transferido, serán obxecto de regularización, se é o caso, ó peche do exercicio económico, mediante a presentación das contas e estados xustificativos correspondentes ante unha comisión de liquidación, que se constituirá no Ministerio de Economía e Facenda.

E) Documentación e expedientes dos medios que se amplían.

A entrega da documentación e expedientes dos medios traspasados realizarase no prazo dun mes a partir da publicación do real decreto polo que se aproba este acordo.

F) Data de efectividade da ampliación de medios.

A ampliación de medios obxecto deste acordo terá efectividade a partir do día 1 de xaneiro de 1996.

E para que conste, expídese a presente certificación en Madrid o 21 de decembro de 1995. Os secretarios da comisión mixta, Rosa Rodríguez Pascual e Alfonso Vaquero Marín. Rubricado.

RELACIÓN NÚMERO 1

GALICIA

BENS INMOBLES

Unidade	Domicilio	Población	Situación xurídica	Superficie m

ICONA	c/ Liñares Rivas, 28	A Coruña	P.E.	431

VEHÍCULOS-ICONA

Clase	Modelo	Matrícula PMM

Turismo	Renault 4-TL	1524-F
Tractor	Renault-4	1155-F
Turismo	Pasquali	BAS 96459

Total: 3

VEHÍCULOS-IRYDA

Provincia	Modelo	Matrícula
Pontevedra	Seat-Ritmo	PMM-3187-F
A Coruña	Opel Kadett 1,6 D-GL	PMM-3369-F
Lugo	Renault-4-GTL	PMM-3391-F

Total: 3

RELACIÓN NÚMERO 2

PERSOAL FUNCIONARIO

Provincia	Posto de traballo e corpo	Apelidos e nome e número de rexistro persoal	Retribucións básicas pesetas	Retribucións complementarias pesetas	Total pesetas

Galicia	Xefe sección técnica N-24. Enxeñeiro de montes	Cifuentes Alonso, Bienvenido 1937183468 A0101	2.214.450	1.522.008	3.736.458
Técnico N-20 Enxeñeiro técnico forestal	Taboada Moreno, María Jesús 67567135 A0113	1.984.940	767.556	2.752.496
Xefe Negociado N-16 Auxiliar Admón. Estado	Morales Feijoo, Consuelo 349700135 A1146	1.095.514	624.048	1.719.562
Auxiliar oficina N-12 E. Auxiliar OO.AA. MAPA	López Díaz, Consolación 3384288935 A6032	1.190.434	480.504	1.670.938
Axente forestal N-10 Garda ICONA	Casas López, Pedro 7634459335 A5059	1.158.794	634.536	1.793.330
Subalterno N-8 C. Conductores OO.AA. MAPA	Raposo Barba, José Luis 3313204802 A5068	1.208.522	322.876	1.531.398
Axente forestal N-12 Gardas de ICONA	Alviño Monelos, Felipe 32397504 A5059	1.158.794	480.504	1.639.298
Xefe negociado N-14 Xral. auxiliar Admón. Estado	Álvarez Rodríguez, Sonia 3496452368 A1146	1.063.874	552.288	1.616.162
Total			11.075.322	5.384.320	16.459.642

Provincia	Posto de traballo e corpo	Apelidos e nome e número de rexistro persoal	Retribucións básicas pesetas	Retribucións complementarias pesetas	Total pesetas	Seguridade Social pesetas

A Coruña	Xefe servicio territorial N-26. Enxeñeiros Agrónomos	Martínez de Velasco Miraved José Luis 61031013 A0101	2.846.130	2.262.348	5.108.478
Xefe Sec. Sis. Inf. N-24 G. Sis. E. Inf. Admón. Estado	Morales Molina, Antonio 2467994646 A1177	2.377.116	1.975.632	4.352.748	861.492
Técnico N-20	Vacante	2.056.530	1.105.536	3.162.066
Conductor N-10. Conductores OO.AA.	Rey Zas, José 3213015035 A5068	1.232.252	634.536	1.866.788	527.823
Aux. Oficina N-10 Xral. Aux. Admón. Estado	Diz Barreira, Adelaida 3497061146 A1146	1.27.154	408.780	1.535.934
Xefe Secc. Provincial N-24 Téc. Fac. Sup. OO.AA.	Blanco Calviño, Manuel 3377639302 A5001	2.609.250	1.779.144	4.388.394	1.094.828
Auxiliar Infor. N-10 Xral. Auxil. Admón. Estado	Fraga López, María Victoria 3277639513 A1146	1.127.154	594.036	1.721.190
Lugo	Técni. N-17. Tit. Esc. Tec. Grao Medio OO.AA.	Iglesias Dobarrio, Manuel Jesús 3380125002 A5014	2.187.612	997.872	3.185.484	802.553
Axte. Admón. N-11 Xral. Administrativo Estado	Roca Prado, Mª Carmen 3380980957 A1135	1.538.348	480.504	2.018.852
Ourense	Axte. Admón. N-11 Administrativo OO.AA.	Contreras Mata, Jorge 3454610124A6025	1.727.740	444.660	2.172.400	546.825

Provincia	Posto de traballo e corpo	Apelidos e nome e número de rexistro persoal	Retribucións básicas pesetas	Retribucións complementarias pesetas	Total pesetas	Seguridade Social pesetas

Pontevedra	Xef. Secc. Provinc. N-24 Enxeñeiros Agrónomos	Baena Farriols, Manuel 42024946 A0100	2.925.090	1.779.144	4.704.234
Técnico N-17. Tit. Esc. Téc. Grd. medio OO.AA.	Ventura Chas, Federico 3227946146 A5014	2.313.948	997.872	3.311.820	834.293
Auxiliar oficina N-10 Auxiliar OO.AA	Rodríguez de la Peña, Mª del Carmen 1304510424 A6032	1.316.994	408.780	1.725.774	434.376
Total	25.385.318	13.868.844	39.254.162	4.240.698

PERSOAL LABORAL

Provincia	Apelidos e nome	Nº de rexistro de persoal	Posto de traballo	Retribucións anuais pesetas	Seguridade Social pesetas

Lugo	Fernández Ares, Hermilda	3381955246 L096185050	Peón agrario	1.626.590	523.145
Total	1.626.590	523.145

RELACIÓN NÚMERO 3

GALICIA

CUSTO AMPLIACIÓN MEDIOS DE DESENVOLVEMENTO RURAL

Pesetas

I. Capítulo I: Gastos de persoal.

SERVICIO 20.

Programa 533A

Artigo 1216.459.642

Artigo 162.107.269

Servicio 19

Programa 531A

Artigo 1239.254.162

Artigo 131.626.590

Artigo 164.763.843

Total capítulo I64.211.506

II. Capítulo II: Gastos correntes en bens e servicios.

Servicio 03

Programa 711A

Artigo 22 7.052.000

Total capítulo II7.052.000

Total traspaso71.263.506

1258