Obxecto: prestación do servicio de vixilancia nos edificios da Casa das Ciencias (Ref. As96/3).

Orzamento: 15.155.000 pesetas (IVE incluído).

Garantías: provisional 303.100 pesetas; definitiva 4% do orzamento.

Clasificación esixida: grupo III, subgrupo 2, categoría a.

Modelo de proposición: as proposicións económicas axustaranse ó seguinte modelo:

«D./Dna. ... veciño/a de ..., con enderezo en ..., provisto/a de DNI nº ..., en representación de ..., con enderezo en ... (ou en nome propio), informado/a do anuncio de concurso para a contratación do servicio de vixilancia nos edificios da Casa das Ciencias e dos pregos de condicións que o regulan, que acepto integramente e me comprometo a acatar, formulo proposición optando á adxudicación polo prezo de ... pesetas anuais (IVE incluído).

O prezo mensual pola prestación do servicio de vixilancia nocturna no edificio da Domus que se oferta é de ... pesetas anuais (IVE incluído).

En proba de aceptación de tales compromisos deixo asegurada esta proposición co depósito previo esixido, como xustifico co resgardo que xunto.

Data e sinatura do/a propoñente».

Presentación de proposicións: presentaranse en tres sobres pechados no rexistro xeral de entrada deste concello, en man ou por correo (neste caso logo de cumprimento dos requisitos sinalados no Art. 100 do Regulamento xeral de contratación), no prazo de vinteseis días naturais contados a partir do seguinte ó da publicación do anuncio de licitación no Diario Oficial de Galicia, en horas de nove a trece. En caso de resultar sábado o día de finalización do prazo, quedará este automáticamente prorrogado ó día hábil seguinte.

No anversos dos sobres consignarase: «Proposicións que presenta ... para optar ó concurso para a contratación da prestación do servicio de vixilancia nos edificios da Casa das Ciencias».

Prego de condicións: poderán ser examinados e retirada copia na Unidade de Obras e Concesións, 2ª planta do pazo municipal, Praza de Mª Pita, nº 1, 15001 A Coruña.

Apertura de plicas: a apertura das proposicións económicas será realizada pola mesa de contratación en acto público e terá lugar na Casa do Concello ás doce horas do quinto día hábil seguinte o do transcurso do prazo de licitación que no caso de resultar sábado, se entenderá prorrogado ó día hábil inmediato seguinte.

A Coruña, 1 de febreiro de 1996.

O Alcalde

P.D.

Rubricado

1290