O día 1 de febreiro de 1996 a Dirección Xeral de Persoal da Consellería de Educación e Ordenación Universitaria remitiulle á Sala do Contencioso-Administrativo, sección primeira, do Tribunal Superior de Xustiza de Galicia, o expediente administrativo correspondente ó recurso contencioso-administrativo número 1-10-1996, interposto por José Raúl Gómez Farto, contra resolución da Dirección Xeral de Persoal desestimatoria da pretensión do recurrente sobre valoración como mérito docente e complemento específico ó seu labor de mestre de educación especial.

En cumprimento do requerimento da presidencia da sala e o disposto no artigo 64 da Lei do 27 de decembro de 1956, reguladora da xurisdicción contencioso-admistrativa, modificada pola Lei 10/1992, do 30 de abril, faise público para que tódolos interesados no procedemento, dos que se descoñece a súa identidade, poidan comparecer e presentarse en autos, no prazo de nove días, perante a Sección primeira da Sala do Contencioso-Administrativo do Tribunal Superior de Xustiza de Galicia.

Santiago, 1 de febreiro de 1996.

Juan José Bértolo Cadenas

Secretario Xeral da Consellería de Educación e Ordenación Universitaria

1225