En virtude do acordado en resolución do día de hoxe dictada no procedemento abreviado número 270/1995, dirixo a presente cédula co fin de que se proceda á súa inserción e publicación no Diario Oficial de Galicia, da sentencia que ten o encabezamento e decisión que copiado literalmente di como segue:

«No procedemento abreviado número 270/1995, dimanante do procedemento abreviado número

27/1995, instruído polo Xulgado de Instrucción número un desta cidade, polo delicto de utilización ilexítima de vehículo de motor alleo, contra o acusado: Arturo Ramos Iglesias, nacido o 16 de setembro de 1950, fillo de Manuel e Purificación, natural e veciño do Pino, con domicilio en Gonzar-O Pino, sen antecedentes penais, a solvencia do cal non consta e en liberdade provisional por esta causa, defendido polo letrado García Seara e representado pola procuradora Goimil Martínez, sendo parte o ministerio fiscal.

Decido que debo condenar e condeno a Arturo Ramos Iglesias, como autor dun delicto de utilización ilexítima de vehículo de motor alleo, sen a concorrencia de circunstancias modificativas, á pena de seis meses de arresto maior, con suspensión de todo cargo público e dereito de sufraxio durante a condena, e privación do permiso de conducir ou da facultade de obtelo polo tempo de dous anos, e custas. Así mesmo, indemnizará a Julio José Arbolea Vilanova no importe dos danos ocasionados ó vehículo que se determinen na execución.

Notifíqueselle-la presente resolución ás partes prevíndoas de que contra ela poderán interpor perante este xulgado recurso de apelación no prazo de dez días. Unha vez firme participaráselle ó Rexistro Central de Penados e Rebeldes para os efectos oportunos.

Así por esta miña sentencia da que se unirá certificación ás actuacións orixinais para a súa notificación e cumprimento, definitivamente xulgando, pronúncioo, mándoo e asínoo».

E para que lle sirva de notificación ó condenado Arturo Ramos Iglesias, expido e asino a presente cédula en Santiago de Compostela o dezasete de xaneiro de mil novecentos noventa e seis.

O secretario

Rubricado

1246