A Escola Galega de Administración pública convocou, por Resolución do 21 de decembro de 1995 (DOG nº 241, do 19 de decembro), tres bolsas de biblioteconomía e documentación para a execución de tarefas desta natureza na biblioteca desta escola.
O tribunal cualificador para a adxudicación destas bolsas, na súa reunión do 23 de xaneiro de 1996, baremou tódalas solicitudes e propuxo a adxudicación en favor das que obtiveron a maior puntuación.
De conformidade coas competencias que me recoñece a normativa vixente e, á vista da proposta do tribunal, resolvo outorgárlle-las bolsas de biblioteconomía e documentación a María del Carmen Maroño Turnes, Beatríz Fernández Corral e Lidia Ferrer Peña que obtiveron unha puntuación de 23,40, 22,52 e 22,52 puntos respectivamente.
Contra esta resolución cabe interpoñer no prazo dun mes recurso ordinario ante o conselleiro da Presidencia e Administración Pública da Xunta de Galicia (Art. 114.2º da Lei 30/1992, do 26 de novembro), sen prexuízo da formulación do recurso contencioso administrativo contra a resolución do devandito recurso ordinario.
Santiago de Compostela, 24 de xaneiro de 1996.
Jaime Rodríguez-Arana Muñoz
Director da Escola Galega de Administración Pública
790