De conformidade co disposto no artigo 79 da Lei 13/1995, anúnciase concurso, por procedemento aberto, da subministración dun vehículo recolector-compactador de lixo, con tramitación urxente.

1. Obxecto do contrato: é obxecto do contrato a subministración dun vehículo recolector-compactador de lixo, con tramitación urxente, conforme as prescricións técnicas seguintes:

-Vehículo recolector-compactador de lixo, de 12 metros cúbicos, para recollida de lixo domiciliario e semiindustrial con posibidade de encaixe de lava contedores.

-Encaxe elevador-cargador para colectores de 1.100, 800, 770 e 660 litros e cubos de MXB de 120, 240 e 330.

2. Cumprimento do contrato: a subministración efectuarase na Casa do Concello, no prazo máximo dun mes, contado a partir do seguinte ó da notificación do acordo de adxudicación. Poderá prorrogarse excepcionalmente, por prazo idéntico se existisen razóns xustificadas.

3. Tipo de licitación: o orzamento do contrato que servirá de base de licitación ascende a un total de dezaseis millóns de pesetas (16.000.000 de ptas.).

4. Pagamento: o pagamento do prezo do remate efectuarase contra acordo aprobatorio da acta de recepción da subministración, dentro dos dous meses seguintes á súa expedición.

5. Publicidade dos pregos: estarán de manifesto tódolos días hábiles nas oficinas municipais, departamento de contratación.

6. Garantías: a provisional será de 320.000 pesetas e a definitiva o 4% do prezo de adxudicación.

7. Presentación de proposicións: as proposicións presentaranse no Rexistro de Licitacións (secretaría xeral) en man, das 9 ás 14 horas, durante os trece días naturais seguintes ó da publicación do anuncio no Diario Oficial de Galicia.

8. Apertura de proposicións: a mesa de contratación, en acto público celebrado o quinto día hábil seguinte ó da presentación de proposicións, dará conta do resultado da cualificación da documentación xeral presentada polos licitadores nos sobres B, indicando os licitadores excluídos e as causas da súa exclusión, invitando ós asistentes a que formulen observacións que se recollerán na acta.

A seguir, o secretario da mesa procederá á apertura dos sobres A e lerá as proposicións económicas formuladas por elas e elevaraas coa acta e a proposta que coide pertinente ó órgano de contratación que efectuará a adxudicación.

Pontedeume, 26 de xaneiro de 1996.

Belarmino Freire Bujía

Alcalde

0180