O Decreto 77/1991, do 7 de marzo, que regula o recoñecemento das escolas de tempo libre, establece no seu artigo 2º que o recoñecemento das escolas de tempo libre e a aprobación dos seus programas de actuación, corresponde ó conselleiro de Cultura e Xuventude.

O Decreto 287/1993, do 10 de decembro, que establece a estructura orgánica da Xunta de Galicia, atribúelle a competencia en materia de xuventude á Consellería de Familia, Muller e Xuventude, polo que as competencias sinaladas no Decreto 77/1991, de recoñecemento das ditas escolas, correspóndelle á conselleira de Familia, Muller e Xuventude.

Examinado o expediente promovido por Natividad Vázquez Liste, en nome e representación da Sociedade Cooperativa Limitada de Educación Medioambiental CEM, no que solicita o recoñecemento e a aprobación dos programas de actuación da Escola de Educación Medioambiental no Tempo Libre «CEM», a Dirección Xeral de Xuventude efectúa proposta favorable ó recoñecemento solicitado, por ser conforme coa lexislación vixente, vistas as normas reguladoras desta materia (Decreto 77/1991, do 7 de marzo, e Orde da Consellería de Cultura e Xuventude do 15 de marzo de 1991). Por todo iso,

DISPOÑO:

1. Recoñecerlle á Escola de Educación Medioambiental no Tempo Libre «CEM» a condición de escola de tempo libre e aproba-los programas de formación propostos para os niveis primeiro (monitores/as de actividades de tempo libre, especialistas en aire libre e natureza e medio ambiente) e segundo (directores/as de actividades de tempo libre e directores/as de campos de traballo) fixados no Decreto 77/1991, do 7 de marzo.

2. Ordena-la inscrición da Escola de Educación Medioambiental no Tempo Libre «CEM» no rexistro de escolas de tempo libre dependente da Dirección Xeral de Xuventude, correspondéndolle o número G.16.

3. A Consellería de Familia, Muller e Xuventude expedirá os títulos acreditativos correspondentes ás ensinanzas impartidas pola Escola de Educación Medioambiental «CEM», sempre de acordo co establecido no Decreto 77/1991, do 7 de marzo, quedando esta supeditada á supervisión e inspección ordenadas no artigo 9 do decreto.

Santiago de Compostela, 4 de decembro de 1995.

Manuela López Besteiro

Conselleira de Familia, Muller e Xuventude

569