O Pleno deste Concello, na súa sesión de 30 de novembro de 1995, aprobou inicialmente o estudio de detalle para reaxuste de volumes da parcela situada no nº 62 da rúa Rosalía de Castro (3702/411), redactado polo arquitecto Víctor Collazo López (con visado do COAG do 27 de setembro de 1995), consistente en reordena-lo volume xerado en ordenanza 1.1.B. na parcela, nunha planta máis desde Rosalía de Castro, co que o edificio pasa a ter baixo e sete plantas desde esta rúa. Declarar, verbo da porción de parcela de 69,43 m situada na traseira da rúa Serafín Avendaño (que xera a edificabilidade que se sitúa na planta superior), coa licencia de edificación, a indivisibilidade do predio matriz, coa súa edificabilidade consumida; deberán practicarse as oportunas inscricións rexistrais.
Suspéndense, ata a aprobación definitiva, as licencias na área abranguida por este instrumento de planeamento secundario, que ten os seguintes lindeiros:
Norte: rúa Rosalía de Castro.
Sur: traseiras de García Barbón, 93 e 95.
Leste: medianeira de Serafín Avendaño, 12, c.v. a Rosalía de Castro.
Oeste: medianeira de Rosalía de Castro, 60.
O que se somete a información pública polo prazo de quince días, coa publicación do anuncio no DOG, BOP, nun xornal dos de maior difusión e no taboleiro de edictos da Casa do Concello, ademais da notificación persoal ós interesados.
A documentación do expediente está ó dispor dos interesados na oficina municipal de información urbanística e pódense presentar alegacións desde a primeira publicación deste anuncio ata o fin do prazo de exposición, logo do derradeiro anuncio.
Vigo, 10 de xaneiro de 1996.
Manuel Pérez Álvarez
Alcalde
0657