O Pleno deste Concello, na súa sesión do 30 de novembro de 1995, aprobou inicialmente o estudio de detalle das parcelas entre as rúas Portela e Fontáns (3716/411), redactado polos arquitectos José Luis Pereiro Alonso e Borja Ramilo Méndez, visado polo COAG con data do 31 de xullo de 1995, coa seguinte particularidade: que se presente o proxecto de urbanización do vial ó que se fixarán os avais correspondentes, incluídas expropiacións, e que se fagan as xestións oportunas para obte-la totalidade dos terreos do devandito vial.

Suspéndense, ata a aprobación definitiva, as licencias de parcelación, edificación e demolición na área abranguida por este instrumento de planeamento secundario.

O que se somete a información pública polo prazo de quince días, coa publicación do anuncio no DOG, BOP, nun xornal dos de maior difusión e no taboleiro de edictos da Casa do Concello, amais da notificación persoal ós interesados.

A documentación do expediente está ó dispor dos interesados na oficina municipal de información urbanística e pódense presentar alegacións desde a primeira publicación deste anuncio ata o fin do prazo de exposición logo do derradeiro anuncio.

Vigo, 15 de xaneiro de 1996.

O alcalde

Rubricado