María Begoña Arroyo Martín, secretaria do Xulgado de Primeira Instancia e Instrucción número seis de Santiago de Compostela, dá fe e testemuño: que nos autos de xuízo declarativo de menor contía dos que se fará mérito, se dictou a seguinte:

«Sentencia: en Santiago de Compostela, o vintenove de novembro de mil novecentos noventa e cinco. Vistos por Gustavo Adolfo Martín Castañeda, maxistrado xuíz do Xulgado de Primeira Instancia e Instrucción número seis desta cidade e o seu partido, os presentes autos de xuízo de menor contía nº 344/1994, sobre declaración de propiedade, seguidos a pedimento do procurador Regueiro Muñoz, en nome e representación de José Luis Moure López e María del Carmen Campos Garazo, maior de idade, veciños desta cidade, con domicilio en Vista Alegre, bloque 5-1º C, co letrado Evaristo Nogueira Romero; contra Eduardo Nogueira Arenas, maior de idade, veciño de Santiago de Compostela, rúa Celso Emilio Ferreiro, nº 4-1º D e contra a sociedade Jufersa, ambos declarados procesualmente en rebeldía.

Decido: que admito a demanda promovida polo procurador Regueiro Muñoz en nome e representación de José Luis Moure López e María del Carmen Campos Garazo, e condeno os demandados Eduardo Nogueira Arenas e a sociedade Jufersa, declarados procesualmente en rebeldía; e debo declarar e declaro que o local do semisoto do bloque número catro do grupo de vivendas do polígono de Vite, descrito no feito primeiro da demanda, é propiedade dos demandantes xa referidos; e condeno os demandados indicados a recoñecelo así e que o deixen libre e a disposición daqueles e se absteñan de realizar acto ningún que perturbe a propiedade e posesión deste, e igualmente se declara a nulidade do título da venda, e cancélese a inscrición no Rexistro da Propiedade de Santiago de Compostela e, para iso, líbrese o mandamento xudicial ó rexistrador, todo iso con expresa imposición das custas causadas no procedemento ós demandados por partes iguais. Notifíqueselle-la presente resolución ás partes e fágaselles saber

que contra ela poden interpor ante este xulgado recurso de apelación, no prazo de cinco días, a partir do seguinte ó da súa notificación, para ser resolto pola Audiencia Provincial da Coruña».

E para que lles sirva de notificación ós demandados rebeldes, expido e asino o presente edicto en Santiago de Compostela o catorce de decembro de mil novecentos noventa e cinco.

A Secretaria

Rubricado

401