Vistos o expediente para outorgamento de autorización administrativa e aprobación do proxecto de execución das instalacións eléctricas que a continuación se detallan:
-Solicitante: Unión Eléctrica-Fenosa, S.A.
Enderezo social: Severo Ocho, 2, 15008 A Coruña.
-Denominación: L.M.T. subterránea e C.T. en urbanización Porto Avieira.
-Situación: Oroso.
-Descricións técnicas:
Modificación de liñas eléctricas que alimentan os CC.TT. de Piñeirón (expediente 51486) e de Penateixa (expediente 51962), consistente en:
Novos trazos de liñas eléctricas aéreas de media tensión a 15/20 kV, sobre apoios metálicos e de formigón, conductores LA-56 de 346 m e 307 m de lonxitude, respectivamente, a Piñeirón e Penateixa.
Liña eléctrica subterránea de media tensión a 15/20 kV, baixo tubo e con conductor R.H.V. 12/20 kV de 3 (1 x 150) mm Al, con orixe na liña Vilanova-César (expediente 3512), de 790 m de lonxitude para subministración eléctrica á urbanización Porto Avieira.
Centro de transformación tipo interior de 630 kVA e tensións de 20/0,380-0,220 kV en Porto Avieira, Oroso.
Cumpridos os trámites ordenados nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolveu,
Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan nos expedientes.
A Coruña, 1 de decembro de 1995.
Juan Ignacio Lizaur Otero
Delegado provincial da Coruña
202