Visto o expediente para outorgamento de autorización administrativa e aprobación do proxecto de execución da instalación que segue:
-Solicitante: Unión Eléctrica-Fenosa, S.A.
-Enderezo social: Severo Ochoa, 2, 15008 A Coruña.
-Denominación: modificado I proxecto de reelectrificación de E. Cabana.
-Situación: Coristanco e Cabana.
-Descricións técnicas: modificado ó proxecto denominado reelectrificación de E. Cabana, 2ª fase, consistente en:
Liñas eléctricas aéreas de media tensión, a 20 kV, sobre apoios metálicos e de formigón, con conductor LA-56, de 2.355 m de lonxitude e de 32 m de lonxitude ós lugares respectivos de Outeiro e Agrillo que parten respectivamente das liñas A Piolla-Penela e do apoio nº 10 á de Outeiro.
Centros de transformación aéreos de 50 kVA/U e tensións de 20/0,380-0,220 V en Outeiro e Agrillo. Cabana e Coristanco.
Cumpridos os trámites ordenados nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolveu,
Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan nos expedientes.
A Coruña, 23 de novembro de 1995.
Juan Ignacio Lizaur Otero
Delegado provincial da Coruña
950024