O xefe do Servicio de Estructuras e Desenvolvemento Rural de Pontevedra, pon en coñecemento dos interesados na concentración parcelaria da zona de Camanzo (Vila de Cruces-Pontevedra), declarada de utilidade pública e urxente execución polo Decreto 186/1993, do 29 de xullo (DOG nº 156 do 16 de agosto), que a xunta local da zona, na súa reunión do 30 de novembro de 1995, aprobou as bases definitivas de concentración da devandita zona, que estarán expostas ó público na Casa do Concello de Vila de Cruces, e nos lugares de costume da parroquia, durante un prazo de trinta días a partir do seguinte en que sexa publicado o último dos avisos que corresponde facer no Diario Oficial de Galicia, no BOP, no xornal de máis circulación da provincia e no taboleiro de anuncios do Concello, de conformidade co que determina a Lei de concentración parcelaria para Galicia (artigo 36).

Os documentos que se poden examinar refírense á determinación do perímetro (colección de planos cos predios incluídos e excluídos e relación destes), á clasificación de terras e á fixación dos coeficientes que servirán de base para face-las compensacións que sexan necesarias, e á determinación de propietarios e titulares de gravames e outras situacións xurídicas das que se declara formalmente a súa titularidade.

Contra estas bases os interesados poden interpoñer, por si mesmos ou por representación, recurso

de alzada perante o conselleiro de Agricultura, Gandería e Montes, dentro dos trinta días sinalados, no rexistro xeral da Consellería de Agricultura Gandería e Montes (edificio San Caetano s/n, Santiago de Compostela), no rexistro da Delegación Provincial da consellería (r/ Benito Corbal 47-4º, Pontevedra), ou en calquera das dependencias ás que fai referencia o artigo 38.4º da Lei de réxime xurídico das administracións públicas e do procedemento administrativo común. Os interesados farán constar no escrito un domicilio dentro do concello para facerlle-las notificacións que procedan, e se é o caso, a persoa residente nel a quen teñan que facérlle-las notificacións.

Pontevedra, 1 de decembro de 1995

José Félix Hernáez Ruiz

Xefe do Servicio de Estructuras e Desenvovemento Rural de Pontevedra

8413