Perante este Xurado Provincial de Montes Veciñais en Man Común, tramítase expediente número 329 de clasificación do monte que ten as características que se indican a continuación:
Denominación: monte Foral de Rego de Chan.
Comunidade: lugar de Cernande.
Parroquia: Tállara.
Concello: Lousame.
Superficie: 13 ha.
Lindeiros:
É parte do monte Barbanza de Tállara, nº 173 do C.U.P.
Norte: con predios particulares de Pascual e Tállara, do piquete nº 502 ó 521 seguindo a orde de piquetes.
Leste: con predios particulares de Cernande, do piquete 521 ó 534 seguindo a orde de piquetes.
Sur: co río Baraza e monte veciñal de Guinde, do piquete 534 ó 537 seguindo a orde de piquetes.
Oeste: co Xil Morto e predios particulares de Guiende e Tállara. Do piquete nº 537 polo río Baraza ata un punto entre os piquetes 443 e 444, desde punto ó piquete nº 444, e seguindo a orde de piquetes ata o nº 502.
En virtude do acordado polo xurado, e en cumprimiento da orde do instructor, do 23 de novembro de 1995, conforme o disposto na Lei de montes veciñais en man común, do 10 de outubro de 1989, e demais disposicións de aplicación, por medio do presente edicto faise pública a iniciación da tramitación do expediente indicado, co obxecto de que, de acordo co previsto no artigo 23 do Regulamento do 23 de setembro de 1992, para a aplicación da citada lei, cantas persoas, organismos ou corporacións resulten interesados, poidan comparecer e intervir no expediente iniciado e formular perante o xurado, no prazo dun mes, contado a partir do día seguinte ó da publicación do presente edicto no Diario Oficial de Galicia, cantas alegacións coiden oportunas na defensa dos dereitos que crean
que os asisten en relación co monte, aportando, se é o caso, a documentación que consideren conveniente ó respecto.
A Coruña, 23 de novembro de 1995.
Manuel Puente Araújo
Secretario do Xurado Provincial de Montes Veciñais en Man Común da Coruña
9500029