Perante este Xurado Provincial de Montes Veciñais en Man Común, tramítase expediente número 328 de clasificación do monte que ten as características que se indican a continuación:
Denominación: monte de Insua.
Comunidade: lugar de Insua.
Parroquia: Mazaricos.
Concello: Mazaricos.
Superficie: 19 ha.
Lindeiros:
É parte do monte Aro, nº 103-B do C.U.P.
Norte: co monte da comunidade de Serráns, por unha liña trazada desde o piquete nº 53 ata a Pedra da Leira, a uns 200 m ó norte do piquete nº 34 e na liña do deslinde.
Leste: co monte público Pedroso, Val, Sixto e outros da parroquia de Chacín, desde a Pedra da Leira ata o piquete nº 34, e seguindo a orde de piquetes ata o nº 37.
Sur: co monte comunal do lugar de Val, desde o piquete nº 37 ata o 41 seguindo a orde de piquetes.
Oeste: con propiedades particulares do lugar de Insua, desde o piquete nº 41 ata o 53 seguindo a orde de piquetes.
En virtude do acordado polo xurado, e en cumprimiento da orde do instructor, do 23 de novembro de 1995, conforme o disposto na Lei de montes veciñais en man común, do 10 de outubro de 1989, e demais disposicións de aplicación, por medio do presente edicto faise pública a iniciación da tramitación do expediente indicado, co obxecto de que, de acordo co previsto no artigo 23 do Regulamento do 23 de setembro de 1992, para a aplicación da citada lei, cantas persoas, organismos ou corporacións resulten interesados, poidan comparecer e intervir no expediente iniciado e formular perante o xurado, no prazo dun mes, contado a partir do día seguinte ó da publicación do presente edicto no Diario Oficial de Galicia, cantas alegacións coiden oportunas na defensa dos dereitos que crean que os asisten en relación co monte, aportando,
se é o caso, a documentación que consideren conveniente ó respecto.
A Coruña, 23 de novembro de 1995.
Manuel Puente Araújo
Secretario do Xurado Provincial de Montes Veciñais en Man Común da Coruña
95-8298