Perante este Xurado Provincial de Montes Veciñais en Man Común, tramítase expediente número 326 de clasificación do monte que ten as características que se indican a continuación:
Denominación: monte de Pontenova.
Comunidade: lugar de Pontenova.
Parroquia: Colúns.
Concello: Mazaricos.
Superficie: 29 ha.
Lindeiros:
É parte do monte Ruña de Colúns, nº 103-K do C.U.P.
Norte: con propiedades particulares de Pontenova, desde o piquete nº 1222 ao 1237 seguindo a orde de piquetes.
Leste: co río Beba e propiedades particulares de Pontenova, desde o piquete 1237 ó 1303. Co monte público Ruña de Beba desde o piquete 1303 ó 1307 seguindo a orde de piquetes.
Sur: co monte público Ruña de Beba desde o piquete 1307 ata o 1311 seguindo a orde de piquetes.
Oeste: con propiedades particulares de Agar desde o piquete nº 1311 ata o 1341 seguindo a orde de piquetes. Cruza o camiño que vai a Sande unha liña recta de 7 m de largo e pasa ó piquete nº 1183. Con propiedades particulares de Sande desde o piquete nº 1183 ata o 1222 segundo a orde de piquetes.
En virtude do acordado polo xurado, e en cumprimiento da orde do instructor, do 23 de novembro de 1995, conforme o disposto na Lei de montes veciñais en man común, do 10 de outubro de 1989, e demais disposicións de aplicación, por medio do presente edicto faise pública a iniciación da tramitación do expediente indicado, co obxecto de que, de acordo co previsto no artigo 23 do Regulamento do 23 de setembro de 1992, para a aplicación da citada lei, cantas persoas, organismos ou corporacións resulten interesados, poidan comparecer e intervir no expediente iniciado e formular perante o xurado, no prazo dun mes, contado a partir do día seguinte ó da publicación do presente edicto no Diario Oficial de Galicia, cantas alegacións coiden oportunas na defensa dos dereitos que crean
que os asisten en relación co monte, aportando, se é o caso, a documentación que consideren conveniente ó respecto.
A Coruña, 23 de novembro de 1995.
Manuel Puente Araújo
Secretario do Xurado Provincial de Montes Veciñais en Man Común da Coruña
95-8297