Perante este Xurado Provincial de Montes Veciñais en Man Común, tramítase expediente número 325 de clasificación do monte que ten as características que se indican a continuación:

Denominación: monte Vaos.

Comunidade: lugar de Pazos.

Parroquia: Vaos.

Concello: Mazaricos.

Superficie: 70,75 ha.

Lindeiros:

Coincide coa parcela I do monte Vaos, nº 103-C do C.U.P.

Norte: co ría Xallas, desde o piquete nº 1 ó 6, seguindo a orde de piquetes.

Leste: con propiedades particulares e encoro de Fervenza, desde o piquete nº 6 ata o 33 seguindo a orde de piquetes.

Sur: co monte público Corzón, desde o piquete nº 33 ó 39 seguindo a orde de piquetes.

Oeste: con propiedades particulares de Couquiño, no concello de Dumbría, desde o piquete nº 39 ó 47 seguindo a orde de piquetes, e deste ó nº 1.

En virtude do acordado polo xurado, e en cumprimiento da orde do instructor, do 23 de novembro de 1995, conforme o disposto na Lei de montes veciñais en man común, do 10 de outubro de 1989, e demais disposicións de aplicación, por medio do presente edicto faise pública a iniciación da tramitación do expediente indicado, co obxecto de que, de acordo co previsto no artigo 23 do Regulamento do 23 de setembro de 1992, para a aplicación da citada lei, cantas persoas, organismos ou corporacións resulten interesados, poidan comparecer e intervir no expediente iniciado e formular perante o xurado, no prazo dun mes, contado a partir do día seguinte ó da publicación do presente edicto no Diario Oficial de Galicia, cantas alegacións coiden oportunas na defensa dos dereitos que crean que os asisten en relación co monte, aportando, se é o caso, a documentación que consideren conveniente ó respecto.

A Coruña, 23 de novembro de 1995.

Manuel Puente Araújo

Secretario do Xurado Provincial de Montes Veciñais en Man Común da Coruña

95-8296