Para os efectos previdos no artigo 9 do Decreto 2617/1966 e no artigo 10 do Decreto 2619/1966, ámbolos dous do 20 de outubro, sométese a información pública a petición de autorización e declaración de utilidade pública da instalación eléctrica LAT a 66 kV desde a subestación de Taboadelo en Ponte-Caldelas ata o centro de interconexión de Recelo na Lama, coas seguintes características especiais:
Peticionario: Eléctrica de Moscoso, S.L.
Lugar no que se vai establece-la instalación: desde a subestación de Taboadelo en Ponte-Caldelas, propiedade de Unión Eléctrica-Fenosa, S.A., ata un centro de interconexión en Recelo, concello da Lama.
Finalidade da instalación: mellora-la subministración eléctrica na zona.
Características principais: liña de alta tensión, dobre circuíto, aéreo-subterráneo, a 66 kV. O tramo aéreo ten unha lonxitude de 11,592 km, con conductor tipo LA-110, sobre apoios metálicos. O tramo subterráneo ten unha lonxitude de 1,120 m, con conductor tipo R.H.V.
Orzamento: 112.635.792 ptas.
O que se fai público para que poida ser examinado o proxecto da instalación nestas oficinas, sitas na Rúa Nova de Abaixo, nº 2, e formularse contra este as reclamacións, por duplicado, que se consideren
oportunas, no prazo de trinta días contados a partir do seguinte ó da publicación desta resolución.
Pontevedra, 4 de decembro de 1995.
Ramón Álvarez Abad
Delegado provincial de Pontevedra
9508200