Na data 16 de outubro de 1995, a Dirección Xeral de Industria e Comercio da Xunta de Galicia autorizou as instalacións do ramal Pontevedra-Ourense. A dita aprobación, de acordo co disposto no artigo 10 e 13 da Lei 10/1987, do 15 de xuño, de disposicións básicas para un desenvolvemento coordinado de actuacións en materia de combustibles gasosos, leva implícita a declaración de utilidade pública e urxencia na ocupación.
Na súa virtude, esta delegación provincial acordou convoca-los titulares dos bens e dereitos afectados na casa do concello onde radican os predios, como punto de reunión, para levar a cabo posteriormente o levantamento das actas previas á ocupación de acordo co procedemento establecido no artigo 52 da Lei de expropiación forzosa, do 16 de decembro de 1954.
Tódolos interesados, así como as persoas que sexan titulares de calquera clase de dereitos e intereses sobre os bens afectados, deberán acudir persoalmente ou representados por persoa debidamente autorizada, achegando os documentos acreditativos da súa titularidade mailo último recibo da contribución, e poderase acompañar, á súa custa, dos seus peritos e un notario, se o consideran conveniente.
Os afectados deberán concurrir ós seus respectivos concellos na data e hora sinaladas no calendario seguinte: Concello da Lama, os días 15, 16, 17 e 18 de xaneiro de 1996, a partir das 9 horas, Concello de Cotobade, os días 19 e 22 de xaneiro de 1996, a partir das 9 horas, Concello de Ponte-Caldelas os días 23, 24 e 25 de xaneiro de 1996, a partir das 9 horas; e no Concello de Pontevedra o día 26 de xaneiro de 1996, a partir das 9 horas.
A orde de levantamento de actas comunicaráselle a cada interesado mediante a oportuna cédula de citación, figurando a relación dos titulares convocados no taboleiro de edictos das casas dos concellos senalados.
É de sinalar que esta publicación se fai igualmente para os efectos determinados polo artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, de notificación do presente acordo ós titulares descoñecidos e mais a aqueles que resulten con domicilio descoñecido.
No expediente expropiatorio, Enagás, S.A., asumirá a condición de beneficiaria, coas obligacións
e dereitos establecidos nos artigos 2.2º da Lei de expropiación forzosa e artigo 5 do seu regulamento.
Pontevedra, 11 de decembro de 1995.
Ramón Álvarez Abad
Delegado provincial de Pontevedra
8108