Con data 16 de outubro de 1995, o director xeral de Obras Públicas aprobou o proxecto de nave para reparación de redes no porto de Pontedeume.

Os bens e dereitos nos que se concreta a declaración de urxente ocupación aparecen recollidos e valorados no citado proxecto, e nas resolucións do 6 de abril de 1995 da Dirección Xeral de Obras Públicas, nas que se aceptan alegacións formuladas no período de información pública, e que se incorporan o citado proxecto.

A competencia para efectua-la declaración de urxente ocupación ten atribuída á Xunta de Galicia, en virtude do artigo 2º do Decreto 167/1982, do 1 de decembro, sobre asunción de transferencias en

materia de portos, e a súa asignación á Consellería de Política Territorial, Obras Públicas e Vivenda.

En virtude de todo o exposto, e en aplicación do artigo 28.2º do Estatuto de autonomía de Galicia e dos artigos 10 e 52 da Lei de expropiación forzosa, en relación co previsto no artigo 8 da Ley 25/1988, do 29 de xullo, por proposta do conselleiro de Política Territorial, Obras Públicas e Vivenda logo de deliberación do Consello da Xunta de Galicia na súa reunión do día dous de decembro de mil novecentos noventa e cinco,

DISPOÑO:

Artigo único.-Declara-la utilidade pública e a urxente ocupación dos bens e dereitos necesarios que se concretan no expediente administrativo, para efectos de expropiación, no proxecto das obras de clave CN-10-02-95 nave para reparación de redes no porto de Pontedeume.

Santiago de Compostela, dous de decembro de mil novecentos noventa e cinco.

Manuel Fraga Iribarne

Presidente

José Cuíña Crespo

Conselleiro de Política Territorial, Obras Públicas e Vivenda

95-7988