A Lei 12/1992, do 9 de novembro, de creación de determinadas escalas de persoal funcionario ó servicio da Xunta de Galicia, crea as escalas de profesores numerarios (grupo A) e mestres de taller (grupo B) de institutos politécnicos marítimo-pesqueiros.
Para o acceso ás escalas de profesores numerarios e mestres de taller requírese estar en posesión, respectivamente, do título de doutor, enxeñeiro, arquitecto, licenciado superior ou equivalente a efectos de docencia e do título de diplomado, arquitecto técnico, enxeñeiro técnico ou equivalente para efectos de docencia.
Neste sentido, a disposición transitoria segunda do Decreto 428/1993, do 17 de decembro, polo que se regula e refunde a normativa en materia de formación náutico-pesqueira, habilita a Consellería de Pesca, Marisqueo e Acuicultura para aproba-las titulacións requiridas para os efectos de equivalencia para cada unha das materias que deben imparti-los profesores numerarios e mestres de taller, recollidos nos artigos 3.3º e 4.3º da Lei 12/1992.
Como excepción, e para o desempeño en réxime de interinidade dos postos de profesores numerarios e mestres de taller, cómpre establece-las titulacións esixibles para cada unha das especialidades ou materias que se imparten nas ensinanzas marítimo-pesqueiras. A necesidade de concreta-lo sistema de cobertura temporal de vacantes establecido no Decreto 252/1992, do 30 de xullo, a través da esixencia dunha titulación específica, xustifícase pola conveniencia de garantir que o persoal interino seleccionado reúna as condicións precisas de coñecemento e competencia para desenvolve-la súa función docente, tendo en conta que estas condicións non se demostran nun previo concurso-oposición e que para a inclusión nas listas que prevé o citado decreto só se require unha titulación xenérica segundo a escala de que se trate, na súa virtude, estas consellerías,
DISPOÑEN:
Artigo 1º.-Materias e especialidades.
1. As materias que terán que imparti-los profesores numerarios de institutos politécnicos marítimo-pesqueiros agrúpanse nas especialidades que se indican no apartado 1 do anexo I.
2. As materias que terán que imparti-los mestres de taller de institutos politécnicos marítimo-pesqueiros agrúpanse nas especialidades que se indican no apartado 1 do anexo II.
3. A impartición dunha determinada materia suporá a adscrición do profesor numerario ou mestre de taller de institutos politécnicos marítimo-pesqueiros á especialidade que corresponda.
Por necesidades docentes poderá esixírselle ó devandito persoal a impartición doutras materias da mesma especialidade.
Artigo 2º.-Equivalencias para efectos de docencia.
En relación co disposto nos artigos 3.3º e 4.3º da Lei 12/1992, decláranse equivalentes para efectos de docencia as titulacións que se expresan no apartado 2 do anexo I para profesores numerarios e no apartado 2 do anexo II para mestres de taller.
Artigo 3º.-Desempeño de postos en réxime de interinidade.
1. Para o desempeño de postos de profesores numerarios e mestres de taller en réxime de interinidade utilizaranse as listas elaboradas ó abeiro do Decreto 252/1992, do 30 de xullo.
2. Para cada unha das especialidades das escalas de profesores numerarios e de mestres de taller de institutos politécnicos marítimo-pesqueiros, o chamamento de aspirantes con ocasión de vacante efectuarase segundo a orde obtida nesas listas, sempre que conten con algunha das titulacións consideradas idóneas, que se recollen nos anexos III e IV.
3. Da posesión destas titulacións estarán exceptuados os aspirantes que, unha vez celebrado concurso-oposición para o ingreso nas referidas escalas, superen tódalas probas da fase de oposición pero non o proceso selectivo, na especialidade a que corresponda á praza vacante.
Disposición adicional
O conselleiro de Pesca, Marisqueo e Acuicultura poderá aproba-la ampliación, supresión ou modificación de materias e especialidades de conformidade cos plans de estudio que no futuro se establezan.
Disposición derradeira
A presente orde entrará en vigor o día seguinte ó da súa publicación no Diario Oficial de Galicia.
Santiago de Compostela, 22 de novembro de 1995.
Dositeo Rodríguez RodríguezJuan Caamaño Cebreiro
Conselleiro da PresidenciaConselleiro de Pesca,
e Administración PúblicaMarisqueo e Acuicultura
ANEXO I
1. Materias que deben imparti-los profesores numerarios de institutos politécnicos marítimo-pesqueiros, e especialidades ás que corresponden.
Materia Especialidade
Navegación e meteoroloxía Náutica e transporte marítimo.
Coñecementos do buque, estabilidade, manobra, regulamentos e estiba Náutica e transporte marítimo.
Dereito marítimo e lexislación pesqueira Náutica e transporte marítimo.
Materia Especialidade
Seguridade marítima Náutica e transporte marítimo.
Hixiene no traballo e primeiros auxilios a bordo Náutica e transporte marítimo.
Inglés marítimo Náutica e transporte marítimo.
Motores de combustión interna e instalacións propulsoras Máquinas navais.
Sistemas mecánicos e pneumohidráulicos Máquinas navais.
Sistemas auxiliares, vapor e frío Máquinas navais
Sistemas eléctricos e electrónicos Sistemas eléctricos e electrónicos.
Bioloxía pesqueira Bioloxía pesqueira.
Pesca marítima Pesca marítima.
Cultivos mariños Procesos de cultivo acuícola.
Educación física Educación física.
Matemáticas Ciencias.
Física Ciencias.
Formación humanística Sociais.
Lingua e literatura galega Lingua galega.
Lingua e literatura española Lingua española.
Debuxo técnico Expresión gráfica.
Relacións no medio de traballo Formación e orientación laboral.
Formación e orientación laboral Formación e orientación laboral.
Administración, xestión e comercialización na pequena empresa Formación e orientación laboral.
2. Equivalencias de titulacións para efectos de docencia para o ingreso na escala de profesores mumerarios.
Para a impartición das materias correspondentes ás especialidades que se sinalan, decláranse equivalentes ós títulos de doutor, licenciado, enxeñeiro ou arquitecto as titulacións seguintes:
2.1. Especialidade de:
-Náutica e transporte marítimo
titulación equivalente:
-Diplomado en navegación marítima.
2.2. Especialidade de:
-Máquinas navais.
titulacións equivalentes:
-Diplomado en máquinas navais.
-Enxeñeiro técnico naval, especialidade en propulsión e servicios do buque.
-Enxeñeiro técnico naval, especialidade en estructuras mariñas.
2.3. Especialidade de:
-Sistemas eléctricos e electrónicos.
titulación equivalente:
-Diplomado en radioelectrónica naval.
2.4. Especialidade de:
-Formación e orientación laboral.
titulacións equivalentes:
-Diplomado en ciencias empresariais.
-Diplomado en relacións laborais.
-Diplomado en traballo social.
-Diplomado en educación social.
2.5. Especialidade de:
-Expresión gráfica.
titulación equivalente:
-Arquitecto técnico.
2.6. Especialidade de:
-Pesca marítima.
titulación equivalente:
-Capitán de pesca (adicional 2ª do Decreto 428/1993, do 17 de decembro).
ANEXO II
1. Materias que deben imparti-los mestres de taller de institutos politécnicos marítimo-pesqueiros, e especialidades ás que corresponden.
Materia Especialidade
Instructor de pesca Pesca marítima
Prácticas do buque (ponte e cuberta) Navegación marítima
Soldadura e caldeirería Máquinas navais
Axuste e torno Máquinas navais
Conducción, vapor e frío Máquinas navais
Motores de combustión interna Máquinas navais
Pneumática e hidráulica Máquinas navais
Electricidade, electrónica e e procedementos radiotelefónicos Electricidade, eléctronica e procedementos radiotelefónicos
Instalacións e equipos de cultivo Máquinas e instalacións acuícolas
Técnicas de cultivos auxiliares Instalacións e equipos de cría e cultivo
Parámetros e condicions de cultivo Instalacións e equipos de cría e cultivo
2. Equivalencias de titulacións para efectos de docencia para o ingreso na escala de mestres de taller.
Para a impartición das materias correspondentes ás especialidades que se sinalan, decláranse equivalentes ós títulos de diplomado, enxeñeiro técnico ou arquitecto técnico as titulacións seguintes:
2.1. Especialidade de:
-Pesca marítima.
titulacións equivalentes:
-Patrón de pesca de altura.
8043
