Esta consellería, unha vez cumpridos os trámites administrativos correspondentes, resolveu anunciar concurso de procedemento aberto da obra, declarada de urxencia que se cita:
-Instalación de electricidade na Facultade de Medicina-Santiago de Compostela.
Orzamento de licitación: 51.680.671 ptas. (cincuenta e un millóns seiscentas oitenta mil seiscentas setenta e unha pesetas).
Prazo de execución: 4 meses.
Clasificación requirida: grupo I, subgrupo 6, categoría D.
-Escola de Idiomas de Pontevedra.
Orzamento de licitación: 180.030.447 ptas. (cento oitenta millóns trinta mil catrocentas corenta e sete pesetas).
Prazo de execución: 15 meses.
Clasificación requirida: grupo C, categoría E.
Exposición de proxecto: o proxecto e mailos pregos de cláusulas administrativas particulares estarán de manifesto na Subdirección Xeral de Construccións e Equipamento, da secretaría xeral desta consellería, edificio administrativo 2, San Caetano, Santiago de Compostela, durante o prazo de presentación de proposicións. Os pregos de cláusulas administrativas particulares tamén se poderán examinar nas delegacións provinciais de Educación.
Prazo de presentación de proposicións: rematará o décimo terceiro día natural contado a partir do día seguinte ó da publicación desta resolución neste Diario Oficial de Galicia.
Lugar de presentación de proposicións: no rexistro xeral desta consellería, edificio administrativo 2, San Caetano, Santiago de Compostela. En canto ás proposicións por correo, observarase o disposto na cláusula 8.1 do prego das administrativas particulares.
Documentación que presentarán os licitadores: a especificada nas cláusulas 8.2, 8.3 e 8.4 do prego das administrativas particulares.
Exame da documentación: a mesa de contratación, cualificará as documentacións presentadas e publicará a continuación no taboleiro de anuncios desta consellería, o resultado da dita cualificación, co fin de que se reparen, dentro do prazo que se indique, os defectos materiais observados na documentación.
Apertura de proposicións: será realizada pola mesa de contratación ás 12 horas do terceiro día hábil seguinte ó de terminación do prazo, na sala de xuntas desta consellería.
O importe deste anuncio correrá por conta da empresa adxudicataria.
Santiago de Compostela, 21 de novembro de 1995.
Juan J. Bértolo Cadenas
Secretario xeral da Consellería de Educación
e Ordenación Universitaria
9507776