Dentro dos programas de actividades que a Academia Galega de Seguridade ten previsto realizar no ano 1995, e conforme as funcións atribuídas pola Lei 4/1992, do 9 de abril, de creación da Academia Galega de Seguridade, anúnciase a celebración dunhas xor
nadas sobre Cuestións controvertidas na actuación policial, que deberán desenvolverse conforme as seguintes bases:
Obxectivos.
As xornadas teñen por obxectivos debati-las cuestións máis conflictivas que se suscitan na intervención policial con referencia a diversos temas, como:
a) A Lei de protección á seguridade cidadá.
b) A nova regulación do procedemento sancionador por infracción de tráfico.
c) A violencia organizada nas cidades.
d) A utilización de medios coactivos polos membros dos corpos e forzas de seguridade.
Destinatarios.
As xornadas están abertas ós membros dos corpos e forzas de seguridade do Estado na nosa Comunidade Autónoma, ós membros da Unidade do CNP adscrita á Xunta de Galicia e ós membros dos corpos das policías locais de Galicia.
Inscrición.
A inscrición dos participantes será totalmente gratuíta.
Prazas.
O número de prazas é ilimitado.
Solicitudes.
1. O persoal que desexe participar nestas xornadas deberá presentar, cuberta a máquina ou con letra moi clara, a instancia que figura no anexo, xunto cunha fotocopia do DNI e do carné profesional.
2. O prazo para a presentación de instancias rematará o día 12 de decembro de 1995.
3. As instancias deberán enviarse á sede da Academia Galega de Seguridade: rúa de Madrid, 2-4 Polígono das Fontiñas, 15703, Santiago de Compostela, ou ben poden entregarse en calquera dos lugares previstos no artigo 38.4º da Lei 30/1992 do 26 de novembro, do réxime xurídico das administracións públicas e do procedemento administrativo común.
Contido e duración.
As xornadas celebraranse en sesións de mañá e tarde, e nelas trataranse, entre outros, os seguintes temas:
a) Análise en profundidade das cuestións máis conflictivas da Lei de protección da seguridade cidadá.
b) Utilización de medios coactivos. Especial referencia á utilización da arma de fogo polos membros dos corpos e forzas de seguridade.
c) O procedemento sancionador por infraccións de tráfico.
d) A violencia urbana.
e)A reforma do Código Penal.
f) A regulación da ORA e a utilización da grúa. Problemática que suscita.
Datas.
As xornadas celebraranse durante os seguintes días:
-Día 20 de decembro, en sesións de mañá e tarde.
-Día 21 de decembro, en sesión de mañá.
O horario será de 9.30 a 14 horas e de 16 a 20 horas.
Relación de admitidos.
A relación de admitidos publicarase o día 15 de decembro de 1995 no taboleiro de anuncios da Academia Galega de Seguridade, ou ben poden confirma-la súa asistencia chamando ó teléfono (981) 56 34 00.
Lugar.
As xornadas celebraranse na sede da Academia Galega de Seguridade, sita na Rúa de Madrid 2-4, no Polígono de Fontiñas en Santiago de Compostela.
Certificado de asistencia.
Ó remate das xornadas entregaráselles un certificado de asistencia a aquelas persoas que acrediten a súa participación continuada a estas e, non poderán supera-las faltas de asistencia un 15% do total da duración de horas lectivas do curso; unha inasistencia superior ó 15%, aínda que sexa xustificada, impedirá a expedición do certificado.
Modificacións.
A Academia Galega de Seguridade poderá modifica-lo desenvolvemento normal das xornadas para adaptalas ás necesidades da Administración e ás continxencias que poidan xurdir.
Santiago de Compostela, 6 de novembro de 1995.
Juan José Fariñas-Ferro Rodríguez
Director xeral da Academia Galega de Seguridade
95-07688
