Visto o expediente do convenio colectivo para a empresa Ormis Embalaxes España, S.A., que tivo entrada nesta delegación provincial o día 26-9-1995, suscrito en representación da parte económica por unha representación da empresa, e da parte social, polo comité de empresa, en data 22-9-1995, de conformidade co disposto no artigo 90.2º e 3º da Lei 8/1980, do 10 de marzo, do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo, e Real
decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de traballo, esta delegación provincial,
ACORDA:
Primeiro.-Ordena-la súa inscrición no libro de rexistro de convenios colectivos de traballo desta delegación provincial, e a súa notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación (SMAC).
Terceiro.-Dispoñe-la súa publicación no BOP e no Diario Oficial de Galicia.
Vigo, 4 de outubro de 1995.
Antonio Coello Bufill
Delegado provincial de Pontevedra
Convenio colectivo de traballo da empresa Ormis Embalaxes España, S.A.
Capítulo I
Disposicións xerais
Artigo 1º.-Ámbito.
O presente convenio regulará as condicións laborais da Empresa Ormis Embalaxes España, S.A. e do persoal que nela presta os seus servicios; así coma de todo aquel que ingrese no futuro durante a vixencia ou prórroga del. Quedan excluídos deste convenio, só para os efectos económicos, os postos denominados de función directiva, que quedan amparados por este convenio para os demais efectos.
Artigo 2º.-Normas supletorias. Preeminencias.
Serano o Estatuto dos traballadores e a ordenanza laboral da industria metalgráfica.
O pactado é preeminente sobre a ordenanza. Se a lexislación supera en algo o convenio, rexerá o disposto na lexislación.
Artigo 3º.-Vixencia.
O presente convenio colectivo terá unha duración de un ano.
Entrará en vigor para tódolos efectos o día 1 de xaneiro de 1995 ata o 31 de decembro do mesmo ano. O convenio quedará automaticamente denunciado coa antelación de tres meses respecto da data do seu vencemento; non obstante, subsistirán os seus preceptos ata a entrada en vigor do que o substitúa.
Artigo 4º.-Dereitos adquiridos.
Respectaranse as condicións máis beneficiosas colectivas e «ad personam» existentes sempre que, no seu conxunto e en cómputo anual, sexan superiores ás establecidas no presente convenio
Capítulo II
Retribucións
Artículo 5º.-Salarios.
Establécese como salario base o mínimo para cada categoría prefesional o específico na táboa salarial, columna A do anexo I do presente convenio, entendéndose que para as categorías que o teñen determinado diariamente se percibirá por día natural sobre as cantidades fixadas no devandito anexo, calcúlanse as antigüidades, os beneficios, as gratificacións extraordinarias, os sobresoldos de asistencia e puntualidade.
En caso de que o IPC rexistrado o 31 de decembro de 1995 sufra un incremento superior ó 4%, efectuarase unha revisión salarial tan pronto como se constate oficialmente dita circunstancia, no exceso sobre a indicada cifra. Tal incremento aboarase con efectos desde o 1-1-1995.
Artigo 6º.-Horas extraordinarias.
Ante a grave situación de paro existente e co obxecto de fomentar unha política social solidaria que favoreza a creación de emprego, acórdase a suspensión das horas extraordinarias habituais; non obstante, realizaranse aquelas que veñan esixidas pola necesidade de reparar sinistros e outros danos extraordinarios urxentes, así coma en caso de risco de perda ou deterioración de materias primas.
Así mesmo, realizaronse horas extraordinarias unha vez oídos os representantes dos traballadores, por pedidos puntuais de produción, ausencias imprevistas, etc.
Terán carácter de horas estructurais para os efectos da cotización á Seguridade Social, as horas ás que fai referencia no apartado anterior e sempre que non poidan ser substituídas mediante contratracións temporais ou a tempo parcial, previstas na lei.
O importe das horas extraordinarias é o fixado na columna C do anexo, sen que sexa aplicable outro criterio.
Non se realizarán horas extras durante os períodos de inactividade dos traballadores con contrato fixo-descontinuo.
Artigo 7º.-Gratificacións extraordinarias.
Todo o persoal percibirá unha gratificación extraordinaria en cada un dos meses de xuño (antes do día 20) e decembro (antes do día 22), calculadas sobre o salario base da columna B do anexo, máis a antigüidade que corresponda e incentivo de productividade, por un importe de trinta días de salario.
Estas gratificacións serán rateadas polo persoal que ingresase ou cesase no transcurso do ano, e computaranse para estes efectos como traballados os días de paro do persoal fixo-descontinuo e os días de ausencia por accidente e baixa por martenidade.
Artigo 8º.-Participacións de beneficios.
A gratificación de beneficios aboarase en conformidade co establecido no artigo 56 da ordenanza labo
ral para as industrias metalgráficas, calculado sobre o salario que figure para cada categoría profesional no anexo. Queda sen efecto o apartado nº 2 do citado artigo 56.
Artigo 9º.-Organización do traballo.
A organización do traballo corresponde ó empresario, quen o levará a cabo a través do exercicio regular das súas facultades de organización económica e técnica, dirección e control do traballo e das ordes necesarias para a realización das actividades laborais correspondentes.
O establecemento dun sistema de traballo e rendemento deberá de ser negociado en comisión paritaria, constituída polos representantes e pola dirección da empresa.
Os salarios fixados no presente convenio correponden a un rendemento de traballo de 60 puntos Bedaux e o seu equivalente nos restantes sistemas de remuneración.
Fíxase un incentivo do 5% do salario base para tódolos traballadores que teñan dereito a el, segundo vén recollido no seu contrato de traballo.
Artigo 10º.-Traballo nocturno.
As horas traballadas durante o período comprendido entre as dez da noite e as seis da mañá, terán unha retribución específica consistente no aboamento dun sobresoldo cifrado no 37,5% do salario base aplicable a cada categoría profesional.
Artigo 11º.-Antigüidade.
O persoal comprendido no presente convenio percibirá aumentos periódicos por ano de servicio, consistentes no aboamento de quinquenios do 5% do salario base correspondente a cada categoría profesional, co límite de cinco quinquenios.
Os quinquenios comezarán a computarse a partir da data inicial de igreso na empresa e o seu importe percibirase desde o primeiro día do trimestre natural en que se cumpra o vencemento.
Para o cómputo de antigüidade, no que respecta a aumentos periódicos, terase en conta todo o tempo servido na mesma empresa e considerarase como efectivamente traballados tódolos meses e días nos que o traballador estivo de alta na Seguridade Social, excepto o tempo de excedencia forzosa para cargo público ou sindical, así coma o da prestación do servicio militar ou prestación substitutoria.
Capítulo III
Xornada laboral, vacacións, permisos e excedencias
Artigo 12º.-Xornadas.
A xornada será de 1.776 horas en cómputo anual, distribuídas de acordo co calendario laboral pactado, en xornada continua de 6 a 14 horas.
Artigo 13º.-Vacacións.
Todo o persoal disporá de 30 días naturais de vacacións, dos cales polo menos 21 serán ininterrompidos
entre o vinte de xuño e o quince de setembro e a empresa deberá elabora-lo correspondente calendario con anterioridade ó 31 de marzo, tralo previo informe dos delegados de persoal e salvo, en ámbolos supostos, que causas derivadas da producción e organización do traballo o impidan.
As vacacións serán proporcionais ó tempo traballado para o persoal con contrato eventual ou temporal, e computaranse para estes efectos, como traballados, os días de paro do persoal fixo-descontinuo, que desfrutarán na súa totalidade.
A distribución destas vacacións farase por acordo entre a empresa e o seu persoal.
Todo o persoal que antes ou durante o período de vacacións entre en situación de ILT, ou baixa por accidente, terá dereiro ó desfrute delas ou á parte pendente, sempre que cause alta antes do remate do ano natural.
O persoal que, por necesidades da empresa, non desfrute as vacacións no período acordado no calendario laboral, terá unha compesación de 1.500 ptas. diarias durante os días que o persoal desfruta das vacacións do mesmo período.
Artigo 14º.-Sobresoldo de asistencia e puntualidade.
A empresa aboará un sobresoldo de asistencia e puntualidade consistente no 10% do salario fixado para cada categoría profesional na columna A do anexo do presente convenio, incrementado en antigüidade, incentivo de producción e participación de beneficios.
Este sobresoldo computarase por períodos mensuais e terá dereito a el todo o persoal que non tivese máis de dúas faltas de asistencia ou puntualidade durante o dito período.
Non obstante o disposto no parágrafo anterior, o dito sobresoldo percibirase igualmente nos seguintes supostos en concreto:
A) Cando o traballador se ausente por cumprir funcións de carácter sindical nos cargos representativos.
B) Os motivados polo artigo 14.
C) Durante os períodos regulamentarios de vacacións.
D) Mediante o permiso motivado por parto da muller ou intervención cirúrxica dos familiares comprendidos no apartado B).
E) Cando o traballador se ausente por causas de citacións xudiciais ou gobernativas ou por asistir a algún exame para estudios oficiais, incluso o obrigatorio para obte-lo permiso de conducción ou para a obtención ou renovación do DNI.
F) Durante os días que o traballador estea de baixa orixinada por accidente laboral.
Todos estes supostos deberán xustificarse suficientemente.
Artigo 15º.-Permisos.
Os traballadores, de avisaren coa posible antelación, terán dereito a permisos retribuídos co salario contractual ou pactado, polas seguintes causas:
1. Tres días naturais por enfermidade grave ou falecemento de parentes ata primeiro grao, tanto por afinidade como consanguinidade. Dous días naturais para netos e familiares hasta segundo grao tanto en afinidade como consanguinidade. E un por falecemento de tíos.
No caso de que o traballador necesitase facer algún desprazamento, o prazo incrementarase dous días máis.
2. Tres días naturais por parto da muller.
3. Un día natural en caso de casamento de fillos, irmáns ou pais.
4. Quince días naturais en caso de casamento.
5. Un día por traslado de domicilio.
6. Polo tempo indispensable para o cumprimento dun deber inescusable de carácter público e persoal.
Cando o cumprimento do deber antes referido supoña a imposibilidade da prestación do traballo debido en máis do 20% das horas laborables, nun período de tres meses, poderá a empresa pasa-lo traballador afectado á situación de excedencia regulada no apartado 1 do artigo 46 do Estatuto dos traballadores.
No suposto de que o traballador, por cumprimento do deber ou desempeño do cargo, perciba una indemnización, descontarase o importe dela do salario ó que tivera dereito na empresa.
7. Polo tempo necesario para asistir a consulta médica e con xustificación posterior se non pode ser anterior.
Notas: as referencias ó cónxuxe contidas neste artigo esténdese ás parellas de feito, se hai un coñecemento previo por parte da empresa garantido mediante un certificado de convivencia expedido polo concello.
Artigo 16º.-Excedencia forzosa.
Os traballadores elixidos para desempeñaren cargos de responsabilidade no seu sindicato e que deban dedicarse por completo ó desempeño das súas tarefas poderán solicitar voluntariamente a excedencia polo tempo que dure a situación, transcorrido o cal se reincorporarán ós seus postos de traballo sempre e cando se solicite antes de transcorrido un mes a contar desde a data de cesaren nos referidos cargos.
Artigo 17º.-Excedencia voluntaria.
O traballador cunha antigüidade mínima de un ano na empresa, terá dereito a excedencia voluntaria por prazo non menor de dous anos e non maior de cinco. O traballador que desfrutase de excedencia non poderá solicitala de novo ata transcorridos catro anos desde a súa incorporación ó traballo, esgotada aquela.
Artigo 18º.-Protección e maternidade.
Nos casos de embarazo, se as condicións de traballo puidesen aumenta-lo risco de aborto ou malformación
do feto, a traballadora terá dereito a cambiar de posto de traballo a outro que non implique risco para a saúde da nai nin do feto.
A traballadora en estado de xestación e lactancia non poderá traballar por quendas nin realizar traballos nocturnos.
A traballadora, por lactancia dun fillo menor de nove meses, terá dereito a unha hora de reducción da xornada normal.
Capítulo IV
Réxime de traballo
Artigo 19º.-Roupa de traballo.
A empresa proverá ós seus traballadores de dous equipos de roupa de traballo ó ano, entendéndose por tales os integrados por mono ou bata ou chaqueta; pantalón ou similares, segundo as normas de uniformidade acordadas pola dirección.
Así mesmo, a empresa dotará ó persoal dun par de botas.
Artigo 20º.-Contratación temporal e especial.
A empresa informará previamente ós delegados do persoal das causas motivadas da contratación temporal, eventual, a tempo parcial e aprendizaxe; así como respecto ó chamamento ou cesamento dos traballadores fixo-descontinuo non se efectuará contratación eventual ou temporal para levar a cabo tarefas propias da empresa.
Os contratos eventuais por circunstancias de producción (R.O. 2546/94), realizaranse ó amparo do Convenio Interprovincial para a Industria da Metalgráfica.
Así mesmo serán informados os representantes do persoal do número de contratos de carácter temporal ou eventual ou especial e das súas características, e terán coñecemento das prórrogas que nos ditos contratos se produzcan e dos novos que se establezan.
Os representantes do persoal coñecerán a natureza e o desenvolvemento dos contratos de formación profesional, comprobarán a efectividade e calidade dela, poñerán, así mesmo, de manifesto o seu criterio sobre os particulares que se conteñen nos parágrafos anteriores.
Os representantes do persoal terán coñecemento dos censos de traballadores eventuais.
En todo caso, a empresa dará exacto cumprimento a canto sobre o particular se establece na Lei 2/1991, do 7 de xaneiro.
Capítulo V
Acción social
Artigo 21º.-Revisión médica.
A empresa garantiralle ó seu persoal unha revisión médica anual, que será realizada por especialistas en enfermidades laborais, de acordo coas normas vixentes sobre seguridade e hixiene no traballo, e
deberá entregarlle ó traballador comunicado, informe ou libreta médica, acreditativos dos resultados obtidos na dita revisión, de mediar solicitude en tal sentido por parte do interesado.
Pola súa parte, a empresa informará ós delegados do persoal de seguridade e hixiene do traballo ou ó vixilante de seguridade, se é o caso, acerca da situación sanitaria xeral do cadro de persoal.
Corresponderalle á comisión paritaria do convenio o coñecemento en primeira instancia dos conflictos que puideran presentarse en relación con este tema, e, no suposto de que os hubera, poderá aquela solicitar, de consideralo oportuno, o asesoramento dos organismos máis competentes na materia.
Artigo 22º.-Seguridade e hixiene.
A empresa está obrigada ó cumprimento das normas de seguridade e hixiene no traballo en materia de aseos, vestiarios, dotacións sanitarias, etc. de conformidade coa ordenanza xeral de seguridade e hixiene vixente, e o cumprimento do artigo 19 do Estatuto dos traballadores, para o efecto do cal se nomeará un vixilante de seguridade na empresa.
Artigo 23º.-Invalidez parcial.
Cando o/a traballador/a lle sexa concedida a incapacidade permanente parcial para a súa profesión habitual, a empresa terá a obriga de admitilo e darlle un traballo que non supoña diminución na súa renumeración, senón que haberá que manterlla na contía íntrega que lle corresponda segundo a sua categoría profesional, sempre que a causa da súa incapacidade fora producida por accidente laboral.
Artigo 24º.-Servicio militar.
O traballador que se incorpore ó servicio militar con carácter oficial ou voluntario ou preste o servicio social substitutorio terá reservado o seu posto de traballo durante o tempo de duración deste e un mes máis, e computarase todo este tempo para os efectos da antiguidade na empresa.
Durante o tempo en que permaneza no servicio militar ou social substitutorio, o traballador terá dereito a percibi-las gratificacións extraordinaris establecidas no presente convenio.
Artigo 25º.-Anticipos.
A empresa, se a súa situación o permite, poderá anticipar, só en casos especiais, o valor dunha paga extra que será amortizada co non aboamento dela na data correspondente; o dito anticipo concederase nun número non superior ó 20% do cadro de persoal fixo.
Artigo 26º.-Axuda estudios.
Aboarase mensualmente a cada traballador a cantidade de 1.875 ptas. por fillo en idade escolar, entre os tres e os dezaseis anos.
Artigo 27º.-Axuda minusválidos.
Ós traballadores beneficiarios da prestación de minusválido da Seguridade Social, a empresa aboaralles 13.000 ptas./mes como axuda, nos mesmos casos
e condicións que establece a normativa vixente para o suposto e calquera que sexa a antigüidade do traballador na empresa.
Artigo 28º.-Accidentes de traballo e maternidade.
Desde o primeiro día a empresa complementará ata o 100% do salario do traballador as prestacións correspondentes á Seguridade Social, a empresa aboaralles 13.000 ptas./mes como axuda, nos mesmos casos e condicións que establece a normariva vixente para o suposto e calquera que sexa a antigüidade do traballador na empresa.
Artigo 29º.-Falecemento ou incapacidade de traballo.
En caso de falecemento do traballador ou invalidez permanente e absoluta non laborables, aboaráselles ós seus habentes dereito ou, se é o caso, ó interesado, a cantidade de 300.000 ptas. Esta cifra elevarase a 600.000 ptas. nos mesmos supostos cando teña carácter laboral.
Artigo 30º.-Axudas de custo e utilización do vehículo propio.
No caso de desprazamento do traballador por conta da empresa, esta aboará a aquel 6.000 ptas. en concepto de media axuda de custo.
A utilización do vehículo propio para o servicio da empresa compensarase co aboamento de 30 ptas./quilómetro.
Artigo 31º.-Xubilación.
Aqueles traballadores que se xubilen entre os 60 e os 65 anos (ambos inclusive) percibirán por unha soa vez a cantidade de 300.000 ptas.
Cando a xubilación teña lugar mediante acordo de empresa e traballador, este terá dereito á percepción por unha soa vez das seguintes cantidades:
-Xubilación ós sesenta anos: 12 mensualidades.
-Xubilación os sesenta e un anos: 10 mensualidades.
-Xubilación ós sesenta e dous anos: 8 mensualidades.
-Xubilación ós sesenta e tres anos: 6 mensualidades.
-Xubilación ós sesenta e catro anos: 5 mensualidades.
Artigo 32º.-Transporte e sobresoldo de distancia.
A empresa falicitará o medio de transporte a todo o persoal para o traslado de Vigo ó Porriño.
Manterase o sobresoldo que veñen percibindo algúns traballadores en concepto de axuda ó transporte.
Capítulo VI
Dereitos sindicais
Artigo 33º.-Asembleas.
Os traballadores teñen dereito a reunirse en asemblea, que será convocada e presidida polos repre
sentantes do persoal. Da convocatoria e do orde do día darase traslado previamente á dirección da empresa.
Os traballadores terán dereito a 2 horas anuais retribuídas por realizar asembleas no termo do primeiro parágrafo deste artigo.
Artigo 34º.-Dereitos sindicais.
A empresa computará o dereito de tódolos traballadores a sindicarse libremente e autorizará que os traballadores dun determinado sindicato poidan realizar reunións, recadar cotas e distribuír información sindical, todo iso fóra das horas de traballo, sen pertuba-la actividade normal da empresa nin interrompe-lo desenvolvemento do proceso productivo.
A empresa contará cun taboleiro de anuncios ó dispor dun sindicato e do delegado do persoal.
Artigo 35º.-Horas sindicais.
Os membros do comité da empresa disporán dun crédito de representación de 25 horas mensuais retribuídas para o exercicio das súas funcións. Os membros do comité da empresa poderán acumular en un ou varios dos seus compoñentes as horas sindicais correspondentes.
Artigo 36º.-Expediente disciplinario.
Para proceder á sanción das faltas graves e moi graves en que o persoal poida incorrer, será preceptiva a tramitación do expediente contradictorio no que dará audencia ó interesado co fin de que poida alegar canto á súa defensa considere oportuno. Das anotacións practicadas darase conta simultaneamente ós representantes legais dos traballadores.
Artigo 37º.-Acoso sexual.
Considérase que o acoso sexual no traballo e todo comportamento verbal ou físico de carácter ou connotación sexual que se dea no ámbito das relacións laborais, a persoa que o realiza sabe, ou debe saber, que este comportamento no é desexado pola persoa da que é obxecto, incidindo a negativa ou aceptación das centrais sindicais con representación na empresa.
Considerarase falta grave cando o acoso sexual se produzca entre compañeiros do traballo.
Considerarase falta moi grave cando o acoso sexual o leve a cabo un mando ou xefe do empregado.
Disposicións adicionais
Primeira.-Para a interpretación e o cumprimento das cláusulas pactadas neste convenio, establécese unha comisión mixta paritaria que estará integrada polas partes negociadoras deste convenio.
Segunda.-Sendo a falta de regularidade no traballo característica da empresa faise constar, e así se pacta, que cada suspensión de traballo do traballador fixo-descontinuo non se considera extinguida, senón, tan só interrompida a relación laboral e, ó ser esta suspensión derivada da falta de regularidade no traballo consubstanciais ó desenvolvemento da industria, nos se considerarán, estas, debidas e á concorrencia
das causas económicas ou tecnolóxicas. As suspensións doutras características terán a regulación establecida na normativa vixente en cada caso; para tal efecto a tódolos traballadores seranlles aplicadas as seguintes condicións.
1º A empresa garantirá a tódolos traballadores fixos-descontinuos unha asistencia de 181 días de traballo ó ano que corresponden a: festivos, sábados, domingos, parte proporcional de vacacións e días de traballo efectivo.
2º Os traballadores deberán ser chamados de forma gradual, en función das necesidades que existan en cada momento ó volume de traballo a desenvolver e deberá efectuarse dentro de cada especialidade por orde rotativo e sucesivo de modo tal que cumpran aproximadamente tódolos traballadores o mesmo período útil de traballo cada ano.
O chamamento do persoal efectuarase mediante a oportuna comunicación que ha de practicarse de forma comprobada e o traballador terá un prazo de 48 horas (dous días) dentro do que pode incorporarse ás tarefas.
3º En caso de producción e incumprimento de chamamento ó traballo, o traballador poderá presentar reclamación por despedimento ante a xurisdicción competente, iniciándose o prazo para iso o día que tivera coñecemento da falta de convocatoria.
4º Durante o período de inactividade do persoal fixo-descontinuo non se realizarán horas extraordianrias de ningunha índole, excepto aquelas de forza maior que se acordarán co comité da empresa.
5º A empresa complementará a prestación ata 80% da base reguladora mentres se perciban as prestacións de desemprego derivadas do expediente nº 504/91; unha vez que os traballadores perciban unha nova prestación de desemprego como consecuencia dun novo dereito, a empresa garantirá en tódolos períodos de inactividade o 70% da base reguladora aplicada polo INEM no recoñecemento do dereito de cada prestación.
Terceira.-A citada táboa de remuneracións entrará en vigor a partir do 1-1-1995.
Cuarta.-O idioma dun pobo constitúe un dos seus sinais de identidade fundamentais e un dos seus patrimonios máis precados, así como a base das súas relacións humanas. Galicia conta co privilexio de ter unha lingua antiga e rica, que é a nosa obriga coidar e ponteciar.
Os traballadores teñen dereito a desenvolve-la actividade laboral e profesional en lingua galega.
No seo da empresa, a dirección e os representantes dos traballadores fomentarán o uso da lingua galega.
Comisión negociadora.
A comisión negociadora do presente convenio está integrada por parte da empresa por Germán Veiga Teijeira, e por parte dos traballadores: Carmen Bernárdez Villar, Enrique Campo Carrera e Margarita Santos Chapela.
TÁBOA DE SALARIOS 1995
(A) (B) (C)
Categorías Salario día
Salario mes
Horas Ex.
1. Persoal obreiro. Aprendiz 16 anos 2.334 70.020 Aprendiz 17 anos 2.686 79.080 Aprendiz 18 anos 2.781 83.430 Peón 3.084 92.520 1.436 Especialista 2ª 3.176 95.280 1.476 Especialista 1ª 3.244 97.320 1.508 Oficial 3ª 3.328 99.840 1.545 Oficial 2ª 3.363 100.890 1.579 Oficial 1ª 3.620 108.600 1.687 Ofic. Espec. Litograf. 3.843 115.290 1.787 Capataz 3.308 99.240 1.545 Encargado sección 3.957 118.710 1.837 Garda nocturno 3.163 94.890 1.476 Porteiro 3.163 94.890 1.476 Ordenanza 3.163 94.890 1.476 Almaceneiro e listeiro 3.307 99.210 1.545
2. Persoal administrativo. Aspirante 16 anos 2.355 70.650 1.090 Apirante 17 anos 2.720 81.600 1.255 Telefonista 3.207 96.210 1.479 Auxiliar 3.368 101.040 1.548 Oficial 2ª 3.438 103.140 1.585 Oficial 1ª 3.671 110.130 1.689 Xefe segunda 4.073 122.130 1.876 Xefe primeira 4.221 126.630 1.948
3. Persoal técnico. Delineante, debuxante Proxectista 3ª 3.542 106.260 1.636 ID...ID de 2ª 3.692 110.760 1.705 ID...ID de 1ª 3.995 119.850 1.774 Mestre encargado 4.221 126.630 1.948 Técnico Organiza. 3.945 118.350 1.689 Xefe organización 4.222 126.660 1.948 Titulado grao medio 4.231 126.930 1.949 Titulado grao Super. 5.572 167.160 2.438
95-07411
