A Dirección Xerencia do Complexo Hospitalario Xeral Cíes de Vigo, en virtude das atribucións que lle foron delegadas conforme o establecido no artigo 7 da Orde da Consellería de Sanidade e Servicios Sociais do 15 de setembro de 1994 (DOG nº 191, do 3 de outubro), convoca o seguinte concurso:

1.-Obxecto: explotación da cafetería-comedor e galería comercial no Complexo Hospitalario Xeral-Cíes, logo da execución das obras de remodelación do edificio no que se situarán.

2.-Orzamento previsto execución obras: 75.000.000 de ptas.

3.-Canon: 600.000 ptas anuais, cun período de carencia de 5 anos.

4.-Prazo de execución das obras: 7 meses desde a notificación da adxudicación.

5.-Garantía provisional: 1.500.000 ptas.

6.-Duración do contrato: 25 anos.

7.-Forma de adxudicación: concurso público, procedemento aberto e tramitación ordinaria.

8.-Solvencia económica e financeira: acreditarase conforme o establecido no artigo 16.1 c) da Lei 13/1995, de contratos das administracións públicas.

9.-Solvencia técnica: acreditarase de acordo o establecido no artigo 18 a) e d) da Lei 13/1995, de contratos das administracións públicas.

10.-Criterios de adxudicación:

-Características funcionais: ata 2 puntos.

-Relación prezo/calidade: ata 4 puntos.

-Custo de utilización/rendibilidade: ata 4 puntos.

11.-Documentación: o prego de cláusulas administrativas particulares, e demais documentación complementaria pódese solicitar na Sección de Contratación Administrativa do Coplexo Hospitalario Xeral-Cíes, rúa Pizarro, 22 - 3604 Vigo, en días laborables desde as 9 ata as 14 horas e no teléfono nº 986-816028 e fax nº 986-816029.

12.-Prazo de presentación de proposicións: as proposicións, deberán presentarse en man, no rexistro xeral do Complexo Hospitalario Xeral Cíes, antes das 14 horas do vixésimo sexto día natural, contado a partir do seguinte ó da publicación desta resolución no Diario Oficial de Galicia, ou por correo na forma indicada no artigo 100 do Regulamento xeral de contratación do Estado.

13.-Documentación que deben presenta-los licitadores: presentarán en sobre pechado e asinado polo licitador a solicitude para participar, así como a documentación persoal e referencias técnicas descritas no PCAP.

14.-Apertura de proposicións: a apertura das proposicións admitidas realizarase pola mesa de contratación, reunida en acto público, na sala de xuntas do Hospital Xeral ás 10 horas do décimo primeiro día natural contado a partir do seguinte a aquel en que remate o prazo de presentación de ofertas. No caso de que o devandito día coincida en sábado ou festivo, a apertura das proposicións terá lugar o día hábil seguinte.

15.-Anuncios: os anuncios do presente concurso público serán por conta do adxudicatario do contrato.

Vigo, 18 de outubro de 1995.

Juan José Equiza Escudero

Director xerente do Complexo

Hospitalario Xeral-Cíes

7101