Co patrocinio da Fundación Galicia-Europa e a Escola Diplomática do Ministerio de Asuntos Exteriores, a Escola Galega de Administración Pública, en colaboración coa Asociación Galega de Estudios Europeos, organiza unha xornada de estudio sobre a reforma do Tratado de Mäastricht, que terá lugar o próximo 1 de decembro no salón de actos da EGAP.

1. Obxecto.

A Conferencia intergobernamental para prepara-la reforma do Tratado de Mäastricht, que se realizará en 1996, supón un momento crucial para o futuro socioeconómico español. De aí a necesidade de dar a coñece-lo seu contido, por medio das persoas que participan activamente na citada conferencia e provocar así o debate en Galicia, informando deste xeito ó cidadán con máis precisión.

2. Contido.

Analizaranse principalmente estes temas:

-O significado do Tratado de Mäastricht na construcción europea. A súa situación actual de aplicación.

-Imperativos da reforma do tratado. Temas a discusión na Conferencia Intergobernamental de 1996. As posturas dos diferentes países.

-Significación do Tratado de Mäastricht para España. Posición ante as formulacións da próxima Conferencia Intergobernamental.

3. Destinatarios.

Persoal ó servicio de calquera das administracións públicas galegas, e interesados en xeral.

4. Desenvolvemento e duración.

A xornada abrirase o venres, día 1 de decembro, ás 10 horas, e rematará, ás 18.30 h. dese mesmo día.

5. Inscrición.

-Prazo: remata o luns, día 27 de novembro de 1995.

-Lugar de presentación: no rexistro xeral da EGAP (polígono das Fontiñas, rúa de Madrid, 2-4 - 15703, Santiago de Compostela). Tfno. 57 08 00. Telefax nº 57 15 40.

-Forma: as solicitudes de inscrición faranse por escrito, no modelo oficial que figura ó final destas bases. Serán rexeitadas todas aquelas peticións que non reúnan o dito requisito.

As peticións de admisión poderanse enviar por correo ordinario ou por telefax ó número consignado.

-Inscrición fóra de prazo: só se admitirán de quedaren prazas baleiras, coa condición de que se cumpran os requisitos xerais antes indicados.

A partir do 28 de novembro, os peticionarios poderán obter confirmación da súa posible admisión, chamando por teléfono en días laborables, das 11.30 ás 14.45 horas, ó seguinte número (981) 57 08 00 (Ext. 229), ou ben consultando a lista de admitidos que se expoñerá no taboleiro de anuncios da EGAP 24 horas despois do remate do prazo de presentación de solicitudes.

6. Certificación de asistencia.

Entregaráselles ó remate destas xornadas a aqueles asistentes que concorran asiduamente a elas, e expresarase neste documento a natureza da actividade e as datas da súa realización.

Santiago de Compostela, 30 de outubro de 1995.

Jaime Rodríguez-Arana Muñoz

Director da Escola Galega de Administración Pública

7067