Visto o expediente do convenio colectivo para a empresa Compañía Española de Algas Marinas, S.A. (Ceamsa), tivo entrada nesta delegación provincial o día 7-9-1995, subscrito, en representación da parte económica por unha representación da empresa, e da parte social, polos delegados de persoal, en data
22-8-1995. De conformidade co disposto no artigo 90.2º e 3º, da Lei 8/1980, do 10 de marzo, do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial,
ACORDA:
Primeiro.-Ordena-la súa inscrición no libro de rexistro de convenios colectivos de traballo, que existe nesta delegación provincial, e a notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación (SMAC).
Terceiro.-Dispoñe-la súa publicación, no BOP e no Diario Oficial de Galicia.
Vigo, 13 de setembro de 1995.
Antonio Coello Bufill
Delegado provincial de Vigo (Pontevedra)
Artigo 1º
O presente convenio aplicarase no centro de traballo da empresa Compañía Española de Algas Marinas, S.A. (Cemsa), situada no Porriño (Pontevedra) e por extensión en calquera lugar onde o persoal obreiro da empresa traballe para ela, afectando os seus servicios na actualidade.
Artigo 2º
A duración do presente convenio será de 1 ano, é dicir, desde o 1 de xaneiro de 1995 ó 31 de decembro de 1995, e non poderá ser afectado durante a súa vixencia polo disposto en convenios de ámbito distinto, e considerarase tacitamente prorrogado por períodos anuais, agás que se denuncie por calquera das partes, cando menos con tres meses de antelación á data do seu vencemento, dando traslado da súa denuncia á outra parte.
Artigo 3º.
A organización do traballo é facultade da empresa.
Artigo 4º
A xornada laboral para o ano 1995 consistirá en 1.780 horas de traballo efectivo anual, que se efectuará en réxime de quendas rotativas, de mañá, tarde e noite, mañá de 6 a 14 horas, tarde de 14 a 22 horas e noite de 22 a 6 horas, por necesidades técnicas de fabricación da empresa, de forma que se produza a continuidade na producción; a súa rotación realizarase de acordo co cadro de quendas anexo ó convenio, de forma que a fábrica traballará os 365 días do ano.
A xornada de traballo queda, pois, invariable, pactándose que a partir do 1 de xaneiro de 1995 será de 1.780 horas anuais efectivas.
Establécese media hora de descanso para o bocadillo que se desfrutará intermitentemente, de xeito que non
se desatenda o proceso de fabricación e de acordo co encargado de cada quenda, entre as nove e as dez horas da quenda da mañá, entre as dezasete trinta e dezaoito trinta no da tarde e de unha e media a dúas e media na quenda de noite, considerándose como tempo de presencia e non efectivo de traballo.
Artigo 5º.-Vacacións.
Durante o ano 1995 os traballadores xa desfrutaron das súas vacacións regulamentarias.
Para o ano 1996 establécese unha vacación anual especificada na quenda de vacacións reflectida no cadro anexo ó convenio.
Artigo 6º
A empresa facilitaralle ó persoal obreiro anualmente dúas pezas de roupa consistentes en dúas fundas para o traballo.
Artigo 7º.-Condicións económicas.
Para o ano 1995 o incremento aprobado para o presente convenio é do 3,5% e o seu importe faise constar na táboa de salarios anuais por categorías adxunta.
Os atrasos do convenio con efectos do 1 de xaneiro de 1995, aboaranse exclusivamente respecto ós meses traballados.
Artigo 8º.-Antigüidade.
Establécese o valor de 13.050 pesetas ano o trienio e 26.100 pesetas ano o quinquenio, quedando conxelada a súa contía para o futuro, seguindo a súa natural evolución os trienios e quinquenios (2 trienios e 5 quinquenios).
Artigo 9º.-Toxicidade, penosidade e perigosidade.
Por este concepto establécese un complemento salarial consistente en 217 ptas. por cada día traballado.
Artigo 10º.-Nocturnidade.
Establécese un concepto de nocturnidade consistente en 543 ptas. por cada noite traballada.
Artigo 11º.-Por quendas.
Os traballadores sometidos a réxime de quendas percibirán 217 ptas. por día (365 días ó ano).
Os traballadores sometidos a quendas cando coincidan máis dunha quenda, segundo o cadro anexo, realizarán os traballos que se lles encomenden.
Artigo 12º
Os traballadores ós que lles corresponda traballar entre as 22 horas do 24 de decembro e as 22 horas do 25 de decembro e as 22 horas do 31 de decembro e 22 horas do 1 de xaneiro, percibirán un complemento de 2.000 ptas. por cada día.
Artigo 13º.-Horas extraordinarias.
As horas extraordinarias que sexa necesario realizar na empresa polos seus traballadores, consideraranse
como estructurais e os valores serán os que se especifican segundo as categorías na táboa salarial anexa.
Artigo 14º.-Gratificacións extraordinarias.
Establécese para o ano 1995 unha gratificación extraordianria en xullo dunha mensualidade, e outra en decembro da mesma contía e outra de media mensualidade de beneficios; esta última devenagrase no mes de marzo do ano seguinte.
As mensualidades calcularanse e extraeranse dividindo o salario profesional anual entre 14 1/2.
O cálculo das pagas de decembro e beneficios 1995, será proporcional ás retribucións pactadas dos dous períodos especificados no artigo 7 do convenio.
Artigo 15º
Calquera disposición legal ou convencional, ou norma de obrigado cumprimento que puidese afectar á empresa Ceamsa e que establecese condicións económicas illadas superiores ás aquí pactadas, serán absorbidas e compensadas en cómputo anual coas melloras aquí reflectidas.
Artigo 16º
As condicións pactadas neste convenio forman un todo orgánico indivisible e para efectos da súa aplicación deben ser considerados globalmente.
Artigo 17º
En todo o non previsto no presente convenio observarase o disposto nas disposicións xerais vixentes.
Artigo 18º
Desígnase unha comisión paritaria composta por dous delegados de persoal e dous representantes da empresa, que ostentará a representación das partes negociadoras para entender en cantas dúbidas xurdan na interpretación e aplicación do presente convenio e se na primeira reunión non existise acordo adoptado por maioría, será a xurisdicción competente a que resolverá.
Artigo 19º
Participaron na negociación do presente convenio as seguintes persoas, en representación da empresa Ceamsa o seu director xerente, Ignacio Alzueta Amunarriz, en representación dos traballadores os delegados de persoal Manuel Blanco Leiros por UCT, Miguel Soutelo Barbosa por CC.OO. e Enrique Leiros Carrera por UGT.
Táboa de salarios anuais por categorías
ano día día día extrasCategoría Salario
Tóxico
Quendas
Noite
Horas
Encargados 2.083.459 217 217 543 938 Oficiais 1.874.066 217 217 543 938 Especialistas 1.530.947 217 217 543 761 Peóns 1.417.209 217 217 543 761
9507103