Examinado o expediente incoado por Otilia Paz López, titular do centro privado de educación infantil Montessori da Coruña, en solicitude de cambio de titularidade do devandito centro.

Resultando que mediante escritura pública notarial de cesión de titularidade, outorgada ante o notario do Ilustre Colexio da Coruña Fernando Alba Puente, Otilia Paz López cede a súa titularidade, para tódolos efectos, a favor de María Paz López.

Resultando que o expediente foi tramitado pola Delegación Provincial de Educación e Ordenación Universitaria da Coruña, que se uniron ó mesmo os documentos esixidos e que a petición recibiu informe da Inspección de Educación.

Resultando que o referido centro docente ten a correspondente autorización para impartir ensinanzas.

Vistos o Real decreto 2377/1985, do 18 de decembro (BOE do 27), o Decreto 133/1995, do 10 de maio (DOG do 22), e demais disposicións complementarias.

Considerando que se cumpriron neste expediente tódolos requisitos esixidos pola normativa vixente nesta materia. Esta consellería,

DISPÓN:

Autoriza-lo cambio de titularidade do centro privado de educación infantil Montessori da Coruña a favor de María Paz López, con tódolos dereitos e obrigas contraídos pola cesionista Otilia Paz López, sen prexuízo das responsabilidades que puidesen recaer sobre a anterior titular do centro por actos ou omisións realizados antes do cambio de titularidade que se autoriza.

O cambio de titularidade non afectará o réxime de funcionamento do centro.

Santiago de Compostela, 5 de outubro de 1995.

Juan Piñeiro Permuy

Conselleiro de Educación e Ordenación Universitaria

95-7156