Visto o expediente incoado por solicitude da empresa Unión Eléctrica-Fenosa, S.A. co enderezo na r/Severo Ochoa, nº2, 15008, A Coruña, para a autorización administrativa, declaración de utilidade pública e aprobación do proxecto de execución da instalación eléctrica que segue:
-Expte. nº 52700. Modificación do proxecto denominado liña de alta tensión, en dobre circuíto, a 132 kV, desde a liña Eume-Cornido á subestación de Vilar do Colo, en Cabanas (A Coruña), consistente en:
Traslado do apoio nº 17 ó predio nº 108, cunha afección de solo de 36 m2 e cambiando o apoio Arce 450/18,45 a 630/27,5 e o apoio nº 18 dun Arce 450/13,95 a 630/23, cunha afección de solo de 36 m2.
Cumpridos os trámites ordenados nos capítulos III e IV dos decretos 2617 e 2619/1966, do 20 de outubro, sobre autorización de instalacións e expropiación forzosa das instalacións eléctricas, esta dirección xeral resolveu,
Autorizar, declarar de utilidade pública, e aproba-lo proxecto modificado de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan no expediente.
Contra esta resolución, que non é definitiva en vía administrativa, poderase interpoñer recurso ordinario perante o conselleiro de Industria e Comercio da Xunta de Galicia, no prazo de un mes contado a partir do día da súa publicación no Diario Oficial de Galicia.
Santiago de Compostela, 8 de setembro de 1995.
Joaquín del Moral Crespo
Director xeral de Industria
9506607