Visto o expediente para o outorgamento de autorización administrativa e aprobación do proxecto de execución das instalacións eléctricas que a continuación se detallan:
-Solicitante: Unión Eléctrica-Fenosa, S.A.
-Enderezo social: Severo Ochoa, número 2, 15008 A Coruña.
-Denominación: modificado I do proxecto de L.M.T., CC.TT. e R.B.T. Cornide.
-Situación: Cornide-Arrigada (Cambre).
-Descripcións técnicas:
Modificado a Expte. 51722, consistente en:
-Liña eléctrica aero-subterránea de media tensión, a 15/20 kV, sobre apoios de formigón e metálicos e conductor LA-56 de 278 m de lonxitude, en tramo aéreo e baixo tubo e con conductor R.H.V. 12/20 kV de 3(1x95) mm2 Al, de 220 m de lonxitude en tramo subterráneo, con orixe na liña a C.T. Amil (Expte. 26174) e remate en C.T. que se vai instalar en Cornide.
-Centro de transformación aéreo de 100 kVA e tensións de 20/0'380-0'220 kV en Cornide, do que parte rede de baixa tensión sobre apoios de formigón e conductor R.Z. de 325 m de lonxitude. Cambre.
Cumpridos os trámites ordenados nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolveu,
Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan nos expedientes.
A Coruña, 20 de setembro de 1995.
Juan Ignacio Lizaur Otero
Delegado provincial da Coruña
6748