Visto o expediente para o outorgamento de autorización administrativa e aprobación do proxecto de execución das instalacións eléctricas que a continuación se detallan:

-Solicitante: Unión Eléctrica-Fenosa, S.A.

-Enderezo social: Severo Ochoa, número 2, 15008 A Coruña.

-Denominación: L.M.T. subterránea en cruzamento de Ribeira. Edificio Duardy.

-Situación: edificio Duardy. Ribeira.

-Descripcións técnicas:

-Liña eléctrica subterránea de media tensión, a 20 kV, baixo tubo e con conductor R.H.V. 12/20 kV de 3(1x95) mm2 Al, de 590 m de lonxitude, con orixe no C.T. Lestres e remate no C.T. que se vai instalar en edificio Duardy.

-Centro de transformación tipo interior, de 250 kVA e tensións de 20/0'380-0'220 kV. Ribeira.

Cumpridos os trámites ordenados nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolveu,

Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan nos expedientes.

A Coruña, 20 de setembro de 1995.

Juan Ignacio Lizaur Otero

Delegado provincial da Coruña

6746