Visto o expediente da revisión salarial do convenio colectivo de Talleres Caeiro, S.A. que tivo entrada nesta delegación provincial o día 27-9-1995, subscrito en representación da parte económica pola empresa, e da parte social, polo comité de empresa,

o día 3-5-1995, e de conformidade co disposto no artigo 90.2º e 3º, da Lei 8/1980, do 10 de marzo, do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial,

ACORDA:

Primeiro.-Ordena-la súa inscrición no libro de rexistro de convenios colectivos de traballo, obrante nesta delegación provincial, e a notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación (SMAC).

Terceiro.-Dispoñe-la súa publicación no BOP e no Diario Oficial de Galicia (DOG).

A Coruña, 29 de setembro de 1995.

Fernando Rodríguez Corcoba

Delegado provincial da Coruña

ACTA

En Santiago de Compostela, sendo as dezanove horas e quince minutos do día tres de maio de mil novecentos noventa e cinco, reúnense as persoas que abaixo se relacionan, compoñentes da comisión deliberadora do convenio colectivo, representantes dos traballadores e parte económica.

Ámbalas partes se recoñecen mutuamente a capacidade necesaria para negociaren o convenio colectivo da empresa Talleres Caeiro, S.A.

Iniciada a sesión, fíxose unha lectura detida do texto do convenio en vigor, adoptándose por unaminidade os seguintes acordos:

1. Prorrogar en todas e cada unha das súas partes o convenio en vigor ata o 31 de decembro de 1995.

2. Substituí-la táboa salarial pola que se achega como anexo a esta acta.

3. A aplicación da dita táboa salarial entrará en vigor con data un de maio de mil novecentos noventa e cinco.

4. Remitir esta acta e anexo á Delegación de Traballo para a súa publicación no BOP.

E non habendo máis asuntos que tratar, lévantase a sesión, sendo as vienteunha horas do día arriba indicado.

-Representación laboral:

33.143.143 Vicente Puente Vigo.

11.369.313 Ricardo Álvarez Fdez.

33.271.118 Olegario Bernárdez Varela.

33.243.985 Víctor J. Parente Mariño.

33.229.341 José A. Núñez Boquete.

-Representación económica:

33.024.095 Manuel Caeiro Varela.

Tábao salarial do convenio colectivo da empresa Talleres Caeiro, S.A.

Efectos económicos do 1 de maio de 1995

Talleres Caeiro, S.A.

Relación de persoal a 20-9-1995

6898