Visto o expediente incoado no servicio de industria desta delegación provincial, a petición de Unión Eléctrica-Fenosa, S.A., con domicilio para efectos de notificación na r/ Saenz Díez 45, 32003 Ourense, no que solicita autorización e declaración de utilidade pública para o establecemento dunha instalación eléctrica de alta tensión, e cumpridos os trámites regulamentarios ordenados no capítulo III do Decreto 2617/1966, sobre autorización de instalacións eléctricas, e no capítulo III do regulamento aprobado polo Decreto 2619/1966, sobre expropiación forzosa e sancións en materia de instalacións eléctricas, e conforme o disposto no Real decreto 2563/1982, do 24 de xullo, sobre traspaso de funcións e servicios da Administración do Estado á Comunidade Autónoma galega en materia de industria, enerxía e minas, esta delegación provincial, resolveu:

Autorizarlle a Unión Eléctrica-Fenosa, S.A. o establecemento da instalación eléctrica coas seguintes características principais:

Liña aérea, a 20 kV, de 645 m de lonxitude, en conductor LA 56, deriva desde o apoio nº 3 da liña Pombal-Piñor, e finalizará no C.T. proxectado aéreo en Reza (Barrio da Igrexa) con 20 kV/380-220 V e potencia a 160 kVA. Redes de baixa tensión en Reza (Ourense) en conductor R.Z. de 2.657 m para o C.T. proxectado e 2.549 m para a renovación da existente.

Declarar a utilidade pública da instalación eléctrica que se autoriza para os efectos sinalados na Lei 10/1966, sobre expropiación forzosa e sancións en materia de instalacións eléctricas e o seu regulamento de aplicación do 20 de outubro de 1966.

Esta instalación non poderá entrar en servicio mentres non conte o seu peticionario coa aprobación do proxecto de execución, logo de cumprimento dos trámites que se sinalan no capítulo IV do citado Decreto 2617/1966, do 20 de outubro.

Ourense, 2 de outubro de 1995.

Alfredo Cacharro Pardo

Delegado provincial de Ourense

95-05768