DOG 205 do 25/10/1995 - ORDE do 17 de outubro de 1995 pola que se lle concede á entidade promotora Centro de Estudios Superiores Universitarios de Galicia, S.L. (Cesuga), autorización para a efectiva impartición do primeiro curso correspondente ó título Bachelor of Commerce conforme ó sistema vixente noutro país e conducente á obtención de títulos non homologados cos do sistema educativo español.

III. OUTRAS DISPOSICIÓNS

CONSELLERÍA DE EDUCACIÓN E ORDENACIÓN UNIVERSITARIA

ORDE do 17 de outubro de 1995 pola que se lle concede á entidade promotora Centro de Estudios Superiores Universitarios de Galicia, S.L. (Cesuga), autorización para a efectiva impartición do primeiro curso correspondente ó título Bachelor of Commerce conforme ó sistema vixente noutro país e conducente á obtención de títulos non homologados cos do sistema educativo español.

Polo Decreto 241/1995, do 28 de xullo, (DOG do 18 de agosto), concedéuselle autorización á entidade promotora Centro de Estudios Superiores Universitarios de Galicia, S.L., (Cesuga) para implanta-los estudios correspondentes ó título Bachelor of Commerce conforme o sistema vixente noutro país e conducente á obtención de títulos non homologados cos do sistema educativo español. No artigo 3 do devandito decreto indícase que a efectiva impartición do primeiro e dos sucesivos cursos dos que constan os referidos estudios esixirá antes do comezo do respectivo curso, a autorización correspondente mediante orde da Consellería de Educación e Ordenación Universitaria. Para este fin, a entidade promotora deberá xustificar previamente ante a consellería a contratación de profesores mantendo os ratios de calidade e de profesor/alumno a que se comprometeu no expediente así como os requisitos relativos ós espacios.

Xustificados por parte da entidade promotora Centro de Estudios Superiores Universitarios de Galicia, S.L. (Cesuga) os requisitos sinalados no parágrafo anterior e logo de inspección realizada para o efecto, esta consellería,

DISPÓN:

Artigo 1º.-Autorízase a entidade promotora Centro de Estudios Superiores Universitarios de Galicia, S.L. (Cesuga), domiciliada no Colexio Obradoiro, r/ Feáns nº 152 de A Coruña, para que de acordo co Decreto 241/1995 e co convenio de compromiso académico asinado pola entidade promotora Centro de Estudios Superiores Universitarios de Galicia, S.L. (Cesuga) e a University College Dublin, a que imparta desde o curso 1995-1996 na cidade da Coruña e dentro dos locais establecidos para o efecto no domicilio da entidade promotora, o primeiro curso dos estudios correspondentes ó título Bachelor of Commerce conforme ó sistema educativo vixente noutro país e que conduce á obtención de título superior non homologado academicamente cos títulos do sistema educativo español.

Disposición derradeira

Única.-A presente orde entrará en vigor o mesmo día da súa publicación no Diario Oficial de Galicia.

Santiago de Compostela, 17 de outubro de 1995.

Juan Piñeiro Permuy

Conselleiro de Educación e Ordenación Universitaria

95-6761