A Dirección Xerencia do Complexo Hospitalario Cristal Piñor de Ourense, en virtude das atribucións que lle foron delegadas conforme o establecido no artigo 7 da Orde do 15 de setembro de 1994 (DOG do 3 de outubro), da Consellería de Sanidade e Servicios Sociais, convoca o seguinte concurso público:

Contratación de subministracións: material para dotación de quirófanos e da unidade de reanimación deste complexo hospitalario (C.P. 8/1995).

Os licitadores poderán concorrer a un, a varios ou ó totalidade dos lotes que se enumeran no prego de cláusulas administrativas particulares.

Orzamento: vinteseis millóns setecentas trinta mil pesetas (26.730.000 ptas.), IVE incluído.

Fianza provisional: non se esixe.

Forma de adxudicación: procedemento aberto mediante concurso público, polo trámite de urxencia.

Prazo de execución: 15 días, contados a partir da data da notificación da adxudicación.

Admisión de variantes: admitiranse variantes, sempre e cando superen o estipulado no prego de prescricións técnicas.

Solvencia económica e financeira: non se esixe.

Solvencia técnica: acreditarase de acordo co establecido no artigo 18, apartados a), b) e d), da Lei 13/1995, de contratos das administracións públicas.

Criterios de adxudicación: 1) calidade, ata 4 puntos. 2) Valoración técnica, ata 3 puntos. 3) Prazo de execución, ata 2 puntos. 4) Posibilidade de repostos: ata 1 punto.

Documentación de interese para os licitadores: os pregos de cláusulas administrativas particulares e técnicas, e demais documentación complementaria poden ser solicitados no Servicio de Compras do Complexo Hospital Cristal Piñor, rúa Ramón Puga, número 52, (edificio administración, planta baixa), de Ourense, en días hábiles, das 9 ás 13 horas.

Fianza definitiva: será do 4% do orzamento de licitación, correspondente ó lote/s dos que resulte adxudicatario.

Presentación de proposicións: deberán ser presentadas en man, en sobres pechados e asinados polo licitador ou persoa que o represente, no rexistro xeral deste complexo hospitalario, antes das 13 horas do décimo terceiro día natural contado desde o seguinte ó da publicación desta resolución no DOG, ou enviadas por correo dentro do prazo sinalado.

Cando as proposicións se envíen por correo, o licitador deberá xustifica-la data de imposición do envío na oficina de correos e anunciar o órgano de contratación a remisión da oferta mediante fax (988) 38 58 49 ou telegrama no mesmo día, de conformidade coa lexislación vixente.

Apertura de proposicións: terá lugar en acto público na sala de xuntas anexa á Dirección Xerencia do Complexo Hospitalario, ás 9 horas do décimo primeiro día natural contado desde o seguinte a aquel no que remate o prazo de presentación de ofertas. No caso de que o dito día coincida en sábado ou festivo a apertura de proposicións terá lugar o día hábil seguinte.

Documentación que achegarán os licitadores: os documentos sinalados no prego de cláusulas administrativas particulares.

Anuncios: o pagamento dos anuncios do presente concurso público correrán por conta do adxudicatario do contrato.

Ourense, 21 de setembro de 1995.

Pedro A. Soler Bordoy

Director xerente do Complexo Hospitalario Cristal Piñor de Ourense

95-6491